मयत हनुमंत शरणाप्पा जनवाडे यांना पत्नी पूजा हनुमंत जनवाडेच्या चारित्र्याचा संशय आला. पत्नी पूजाने प्रियकर सुनील ऊर्फ पिंटू पाटील (रा. जानापूर, ता. उदगीर) याला पतीला धमकावून अद्दल घडविण्यासाठी सांगितले. प्रियकर पिंटू पाटीलने ही बाब त्याच्या इतर आरोपी मित्रांना सांगितली. आरोपींनी संगणमत करून बुधवारी दुपारी 4 ते 6.30 दरम्यान मयत हनुमंत जनवाडे यांना त्यांची पत्नी पूजा हनुमंत जनवाडे व तिचा प्रियकर पिंटू पाटीलने तीन मित्रांच्या मदतीने जबरदस्तीने ऑटोत घालून लोणी मोड ता. उदगीर जवळील इच्छापूर्ती मंदिराजवळ घेऊन गेले.
Delhi News: प्रसाद दिला नाही, संतप्त भाविकांनी मंदिरातील सेवादारालाच संपवलं, घटनेचा LIVE VIDEO पाहून थरकाप उडेल
त्या ऑटोतून पूजा, तिची लहान मुलगी उतरले. आरोपींनी हनुमंत जनवाडेंच्या डोक्यात, पाटीवर, हातावर, पायावर पिंडरीवर जबर मारहाण करून गंभीर जखमी केले. मयत हनुमंतला तेथेच सोडून सर्व निघून गेले. गंभीर जखमी हणमंतने पत्नी पूजाला फोन करून घटनास्थळी बोलवून घेतलं. पूजाने आपल्या जखमी पतीला घरी आणले. प्रकृती गंभीर झाल्याने त्यांना उपचारासाठी उदगीरच्या शासकीय रुग्णालयात दाखल केले. तिथे त्यांचा मृत्यू झाला.

पोलिसांनी पूजाकडे चौकशी केली. मारहाणीचे आपल्याला काही माहित नसल्याचे तिने सांगितले. पोलिसांना संशय आला. पोलिसांनी मयत हनुमंतच्या सात वर्षाच्या मुलीकडे चौकशी केली. तिने घडलेला सर्व प्रकार सांगितला. खाक्या दाखविताच खुनाबाबत पूजाने कबुली दिली. पूजा, प्रियकर पाटील यास अटक केली. शुक्रवारी न्यायालयापुढे उभे केले असता दोघा आरोपींना तीन दिवसांची पोलीस कोठडी सुनावली.

दोघांना मुरुड येथे पकडले

उदगीर येथील खून प्रकरणात मयत हनुमंत जनवाडेंना ऑटोत जबरदस्तीने घेऊन जाऊन मारहाण करणारे आरोपी अजय प्रभाकर वाघमारे, ऑटो चालक बबन शंकर सोनवणे हे दोघे शुक्रवारी पुणे येथे पळून जात होते. आरोपी पळून जात असल्याची माहिती पोलिसांना मिळाली. पोलीस हवालदार राम बनसोडे, नामदेव चेवले, राजकुमार डबेटवार, संदीप केंद्रे, नजीर बागवान यांनी मुरुडजवळ अटक केली. एक आरोपी अजून फरार आहे.