डॉ. तपन निर्मल प्रदीप, डॉ. निर्मला आसोलेकर, कुशल मॅटर्निटी होम एन 7 बजरंग चौक सिडको अशी गुन्हा दाखल झालेले आरोपी डॉक्टरांची नावे आहेत. वैभव देविदास खैरे रा. विश्रांती नगर मुकुंदवाडी रेल्वे स्टेशन रोड यांच्या फिर्यादीवरून गुन्हा दाखल झाला आहे.
Jalna Accident: नियंत्रण सुटलं आणि कार थेट विहिरीत जाऊन कोसळली, पाच जणांचा मृत्यू, जालन्यात भीषण अपघात

नेमकं प्रकरण काय?

वैभव खैरे यांनी दिलेल्या फिर्यादीतील माहितीनुसार, श्वेता खैरे या गर्भवती असल्याने 31 ऑक्टोबर 2024 रोजी फिर्यादीची पत्नी श्‍वेता खैरे यांना प्रसुतीसाठी कुशल मॅटर्निटी होम येथे दाखल केले होते. श्वेता यांच्यावर उपचार सुरू असताना रुग्णालयातील डॉक्टरांनी काळजीपूर्वक उपचार न करता हलगर्जीपणा केला. त्यामुळे प्रसुतीदरम्यान फिर्यादीच्या पत्नीचा मृत्यू झाला. फिर्यादी मयत श्वेता यांच्या पती वैभव यांनी आरोप पतीने फिर्यादीत केला आहे.संध्याकाळी साडेपाच वाजता या महिलेला रुग्णालयात आणण्यात आलं. त्यानंतर रात्री 9.15 वाजता या महिलेने एका मुलाला जन्म दिला. प्रसूतीनंतर पत्नीची प्रकृती ठीक होती. तिला दुसऱ्या रुममध्ये हलवण्यात आलं. तेव्हा महिला शुद्धीवर होती. मात्र, पाच-दहा मिनिटांत ती बेशुद्ध पडली. तेव्हा रुग्णालयातील डॉक्टरांना सांगण्यात आलं. मात्र, रुग्णालयातील डॉक्टरांनी तिच्यावर काहीही केलं नाही. त्यानंतर तिला दुसऱ्या रुग्णालयात दाखल करण्यात आली. मात्र, तिथे डॉक्टरांनी तिला तपासून मृत घोषित केलं.

याप्रकरणी खाजगी रुग्णालयाच्या डॉक्टरांविरुद्ध गुन्हा दाखल करण्यात आला असून या प्रकरणी सिडको पोलिस पुढील तपास करीत आहेत. या घटनेने परिसरात एकच खळबळ उडाली आहे.

मृत्यू झाला तेव्हा नातेवाईकांनी डॉक्टरांवर आरोप करत गुन्हा दाखल करण्याची मागणी केली होती. मात्र नातेवाईकांच्या आरोपावरून डॉक्टरांवर गुन्हा दाखल होत नाही असं पोलिसांनी सांगितलं. गुन्हा दाखल करायचा असेल तर याबाबत समिती नेमून समिती चौकशी करून अहवाल सादर करते अहवाल सादर केल्यानंतर गुन्हा दाखल करू असा आश्वासन देण्यात आलं होतं. नुकताच पोलिसांना डॉक्टरांचा अहवाल मिळाला असून त्यावरून डॉक्टरांविरुद्ध तब्बल वर्षभराने गुन्हा दाखल करण्यात आला आहे.