मसेरा इसाक शेख वय ११ रा. अविनाश कॉलनी वाळूज असे मयत झालेल्या चिमुकलीचे नाव आहे. याप्रकरणी अधिक माहिती अशी की, १ ऑगस्ट रोजी गंगापूर शहराचे माजी नगरसेवक दिवंगत नवाब बेग यांच्या घरी घरगुती कार्यक्रमाचा आयोजन करण्यात आलं होतं. या कार्यक्रमासाठी वाळूज येथे राहणारी त्यांची नात मसेरा शेख ही कुटुंबासह त्यांच्याकडे आली होती. आजोबांकडे आल्यानंतर मसेरा घराच्या छतावर गेली. छतावरून तब्बल ३३ केव्ही उच्च दाब विद्युत वाहिनी गेली असल्याची कल्पना मसेरा हिला नव्हती. छतावर खेळत असताना अचानक तिचा स्पर्श विद्युत तारेला झाला.
Chhatrapati Sambhajinagar News : ‘अहो, मी फ्लॅट घेतलाय’; पेढे वाटत सुटला पण कोणालाच विश्वास नाही बसला, भांडाफोड झाल्यावर भयानक सत्य समोर
या ती गंभीर जखमी झाली होती.ही बाब कुटुंबाच्या लक्षात येत तात्काळ तिला लाकडी सीडीच्या मदतीने बाजूला घेण्यात आलं. त्यानंतर तिला तत्काळ गंगापूर येथील उपजिल्हा रुग्णालयात उपचार घेऊन छत्रपती संभाजीनगर येथील घाटी रुग्णाला दाखल करण्यात आले. डॉक्टरांनी तपासणी केल्यानंतर मसेरा ७० टक्के भाजली गेल्याची माहिती दिली. ११ वर्षाची चिमुकली मसेराने तब्बल २७ दिवस मृत्यूशी झुंज दिली. मात्र तिची ही झुंज अखेर अपयशी ठरली. घाटी रुग्णालयात उपचार सुरू असताना बुधवारी मासेराची प्राणज्योत मालावली. या घटनेमुळे कुटुंबावर दुःखाचा डोंगर कोसळला. कुटुंबातील व्यक्तींनी रुग्णालयात टाहो फोडला. या घटनेमुळे गावात हळहळ व्यक्त करण्यात आली. या प्रकरणी गंगापूर पोलीस ठाण्यामध्ये अकस्मित मृत्यूची नोंद करण्यात आली असून पुढील तपास पोलीस करीत आहेत.