उद्धव ठाकरे यांची चिंता वाढवणारी बातमी समोर येत आहे. कारण मनसे अध्यक्ष राज ठाकरे यांच्या निवासस्थानी आज एकनाथ शिंदे यांनी गणेशोत्सवाच्या निमित्ताने भेट दिली आहे. विशेष म्हणजे उद्धव ठाकरे यांनी कालच राज ठाकरेंच्या घरी जावून गणपती बाप्पाचं दर्शन घेतलं होतं. त्यामुळे दोन्ही भाऊ राजकारणात एकत्र येणार असल्याच्या चर्चांना उधाण आलं होतं. पण आज एकनाथ शिंदे यांनी राज ठाकरेंची भेट घेतली आहे. तसेच त्यांनी राज ठाकरेंच्या भेटीनंतर केलेल्या वक्तव्याने महाराष्ट्राच्या राजकारणात नवा सस्पेन्स निर्माण झाला आहे.
उद्धव ठाकरे यांनी राज ठाकरे यांच्या घरी भेट दिल्यानंतर लगेच त्याचदिवशी दुपारी वेगळ्या घडामोडी घडल्या. मुख्यमंत्री देवेंद्र फडणवीस राज ठाकरे यांच्या ‘शिवतीर्थ’ निवासस्थानी दाखल झाले. देवेंद्र फडणवीस यांनी राज ठाकरेंच्या घरच्या बाप्पाचं दर्शन घेतलं. यानंतर खासदार संजय राऊतांनीदेखील राज ठाकरेंच्या निवासस्थानी जात बाप्पाचं दर्शन घेतल्याची माहिती समोर आली होती. पण उद्धव ठाकरे यांची चिंता वाढवणारी बातमी आज समोर आली आहे.
उपमुख्यमंत्री एकनाथ शिंदे यांनी आज राज ठाकरे यांच्या घरी दाखल होत त्यांच्या घरच्या बाप्पाचं दर्शन घेतलं. राज ठाकरे यांच्या भेटीनंतर एकनाथ शिंदे यांनी माध्यमांना प्रतिक्रिया दिली. यावेळी त्यांनी जे वक्तव्य केलं त्यामुळे महाराष्ट्राच्या राजकारणात नवा सस्पेन्स निर्माण झाला आहे. एकनाथ शिंदे यांच्या मनात नेमकं काय आहे? किंवा राज ठाकरे आणि एकनाथ शिंदे यांच्यात नेमकी काय चर्चा झाली असेल? याबाबत वेगवेगळे तर्कवितर्क लावले जात आहेत.
एकनाथ शिंदे काय म्हणाले?
“राज की बात राजही रहने दो”, असं म्हणत एकनाथ शिंदेंनी राज ठाकरेंच्या भेटीनंतर सस्पेन्स वाढवला आहे. “आमच्यात जी चर्चा झाली ती खाजगीच राहु द्या. काही लोकांना आत्ता स्नेहसंबंध आठवले, मात्र आमचा स्नेह आधीपासून”, असा टोला एकनाथ शिंदे यांनी उद्धव ठाकरे यांना लगावला. “आमच्यात स्नेह असल्याने भोजनही लवकरच होईल”, असंदेखील सूचक वक्तव्य एकनाथ शिंदे यांनी केलं.
राज ठाकरेंच्या पक्षाची बार्गेनिंग पावर वाढली?
आगामी काळात मुंबई महापालिकेच्या निवडणुका आहेत. या निवडणुकांच्या पार्श्वभूमीवर राजकीय घडामोडींना वेग आला आहे. मुंबईत ठाकरेंचं वर्चस्व आहे. लोकसभा निवडणुकीत महायुतीला उद्धव ठाकरेंनी टफ फाईट दिली होती. याशिवाय विधानसभा निवडणुकीतही उद्धव ठाकरेंचे सर्वाधिक आमदार हे मुंबईतून जिंकून आले होते. यामुळे मुंबईत उद्धव ठाकरेंची ताकद आहे. आगामी मुंबई महापालिकेच्या निवडणुकीत ठाकरेंचं मत आपल्याकडे वळते व्हावेत यासाठी राज ठाकरे यांच्यासोबत युती करण्याचे महायुतीचे प्रयत्न आहेत. तर दुसरीकडे उद्धव ठाकरेंकडूनही राज ठाकरेंसोबत युती करण्यासाठी प्रयत्न सुरु आहेत. यामुळे राज ठाकरे यांच्या मनसे पक्षाची बार्गेनिंग पावर वाढताना दिसत आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा