Nanded Honor Killing Case: लग्नानंतरही मुलीचे प्रियकरासोबत प्रेमसंबंध होते. सासरच्या लोकांनी दोघांना नको त्या अवस्थेत पकडलं होतं. त्यानंतर सासरच्या मंडळींनी मुलीच्या वडिलांना फोन करून बोलावून घेतले. मुलीच्या वडील, काका आणि आजोबांचा अपमान केला. त्यानंतर या दोघांना घरी घेऊन जात असताना वाटेतच त्यांची हत्या करण्यात आली. त्यानंतर घरी घेऊन जाताना मुलीचे आणि प्रियकराचे दोरीने हात बांधून गावातून धिंड काढण्यात आली.
पोलिसांनी गावकऱ्यांच्या मदतीने मृतदेह विहिरीतून बाहेर काढले. संजीवणी कमळे (वय 19 वर्ष) आणि लखन बालाजी भंडारे (वय 17) अशी मयतांची नावे आहेत. दरम्यान या ऑनर किलिंगच्या घटनेने परिसरात एकच खळबळ उडाली आहे.
Nanded News: विवाहित लेकीसह प्रियकराला संपवलं, बॉडी विहिरीत फेकल्या; ऑनर किलिंगच्या घटनेने नांदेड हादरलं
नेमकं प्रकरण काय?
मृत संजीवनी सुरने ही उमरी तालुक्यातील बोरजुन्नी येथील रहिवासी आहे. एक वर्षापूर्वी गोळेगाव येथील सुधाकर कमळे या मुलासोबत झाला होता. कुटुंबियांनी मोठ्या थाटात विवाह केला होता. विवाहापूर्वी संजीवनीचा लखन भंडारे या तरुणासोबत प्रेम प्रकरण सुरु होते. लग्नानंतरही दोघांमध्ये फोनवर बोलण सुरु होते. सोमवारी (25 ऑगस्ट) सासरचे मंडळी बाहेर गेल्याने संजीवनी हिने आपल्या प्रियकराला घरी बोलवलं. त्यानंतर अचानक घरी परतलेल्या पती आणि सासरच्या मंडळींनी दोघांना नको त्या अवस्थेत बघितलं. त्यानंतर संजीवनीच्या पतीने सासरा मारोती सुरने यांना फोन करून बोलावले आणि मुलीला घरी घेऊन जाण्यास सांगितले.
मुलीचे वडील मारोती सुरणे, काका माधव सुरणे आणि आजोबा लक्ष्मण सुरणे हे तिघे जण मुलीच्या सासरी गोळेगाव पोहचले. गोळेगाव आणि बोरजुन्नी हे आजू बाजूला गावं आहे. पानंद रस्त्यातून या गावाला ये जा करावं लागतं. मुलीला आणि तिच्या प्रियकराला घेऊन जात असताना करकाळा शिवारात दोघांना मारहाण करून त्यांची हत्या करण्यात आली. त्यानंतर चाळीस फूट खोल असलेल्या विहरीत दोघांचे मृतदेह फेकून दिले.
घटनेनंतर सायंकाळी 5 वाजेच्या सुमारास मुलीचे वडील मारोती सुरणे हे उमरी पोलिस ठाण्यात पोहचून मी मुलीला आणि तिच्या प्रियकराला मारून विहरीत फेकलं अशी माहिती दिली. माहिती ऐकताच पोलिस देखील चक्रावून गेले. दरम्यान, पोलिस आरोपीला घेऊन घटनास्थळी पोहचले. सायंकाळी सात वाजता मुलीचे प्रेत बाहेर काढण्यात आले तर प्रेमी मुलगा यांच्या प्रेताचा शोध सुरूच होता.
दरम्यान सदर घटनेची माहिती मिळताच अप्पर पोलिस आधिक्षक अर्चना पाटील, उपविभागीय पोलिस आधिकारी दशरथ पाटील यांनी घटनास्थळी भेट दिली. यावेळी उमरी पोलिस ठाण्याचे सहाय्यक पोलिस निरीक्षक अंकुश माने यांनी घटनास्थळीचा पंचनामा केला. या प्रकरणी उमरी पोलिस ठाण्यात मुलीचे आजोबा लक्ष्मण सुरणे, वडिल मारोती सुरणे आणि काका माधव सुरणे या तिघांना ताब्यात घेतले. ऑनर किलिंगच्या घटनेने खळबळ उडाली आहे.
ऑनर किलिंगच्या घटनेच्या दिवशी मुला-मुलीची धिंड काढली
नांदेड जिल्ह्यातील उमरी तालुक्यात गोळेगाव येथे ऑनर किलिंगच्या घटनेच्या दिवशी मुला-मुलींचे हाथ दोरीने बांधून धिंड काढण्याचा व्हिडियो व्हायरल झाला आहे. गावात आल्यानंतर सासरच्यांनी मुलीच्या वडील, काका आणि आजोबांचा अपमान केला होता.
लेखकाबद्दलनुपूर उप्पलनुपूर विकास उप्पल, महाराष्ट्र टाइम्स ऑनलाईनमध्ये सिनियर डिजिटल कंटेंट प्रोड्युसर पदावर कार्यरत आहेत.गेल्या तीन वर्षांपासून महाराष्ट्र टाइम्स ऑनलाईनसोबत काम करत आहे. राष्ट्रीय, गुन्हेगारी, राजकीय, हटके स्टोरीज या विषयांचं लिखाण करण्यात हातखंडा आहे. घटनेचं विश्लेषणात्मक लिखाण करण्यात रस. गेल्या 9 वर्षांपासून पत्रकारिता क्षेत्रात काम करत असून यापूर्वी टीव्ही ९ मराठी, साममध्ये कामाचा अनुभव आहे. यशवंतराव चव्हाण मुक्त विद्यापीठातून बॅचलर ऑफ मास कम्युनिकेशन अँड जर्नालिझमचं शिक्षण घेतलं आहे.… आणखी वाचा