महाराष्ट्र राज्य शिक्षक सेना अध्यक्ष जगन्नाथ अभ्यंकर यांच्या विधान परिषद सदस्यत्व वर्षपूर्तीनिमित्त कार्य पुस्तिकेचे उद्धव यांच्या हस्ते दादर येथील छत्रपती शिवाजी महाराज नाट्यमंदिर येथे प्रकाशन झाले. यावेळी त्यांनी पंतप्रधान मोदी आणि केंद्रीय गृहमंत्री अमित शहा यांच्यावर टीका केली.

‘देशातील सध्याचे वातावरण पाकिस्तान व चीनचा निषेध करायचा की नाही, याबाबत साशंकता निर्माण करणारे आहे. संघराज्य अफगाणिस्तानमध्ये घुसल्यावर अमेरिकेसह काही देशांनी ऑलिम्पिकवर बहिष्कार टाकला. भारत मात्र पहलगाम हल्ल्यानंतर पाकिस्तानसोबत क्रिकेट खेळणार आहे. एकिकडे ऑपरेशन सिंदूर राबवायचे, दुसरीकडे सामने खेळायचे हा प्रकार निषेधार्थ आहे. सत्ताधारी न शिकल्याचा हा परिणाम आहे. शाळेत न गेल्यामुळे चांगले शिक्षक मिळाले नाहीत. परिणामी देशभक्ती त्यांना कळाली नाही’, असा टोला उद्धव यांनी लगावला. ‘यांनी बांगलादेशच्या शेख हसीनाला आसरा दिला. भ्रष्टाचाऱ्यांनाही आसरा देत असल्यामुळे या सर्वांची कीव येते’, असेही ते म्हणाले.निवडणूक आयोग लक्ष्य
निवडणुकीच्या काळात शिक्षकांना कामे देण्यावरून उद्धव यांनी निवडणूक आयोगाला लक्ष्य केले. ‘शिक्षकांनी मतचोरी होणार नाही, याची दक्षता घ्यावी. हजेरीपट घेऊन बसायची तुम्हाला सवय असल्याने दुबार मतदान करणाऱ्यांना जाब विचारा’, असे आवाहन त्यांनी केले.
गणेशोत्सवाला कोकणात जाणाऱ्यांसाठी आनंदाची बातमी! ‘या’ महामार्गांवर टोलमाफी, दर्शन पासचीही सुविधा
तेव्हा भूतदया कुठे गेली होती
मुंबईत गेल्या काही दिवसांपासून सुरू असलेल्या कबुतरांच्या खाद्यबंदीच्या मुद्द्यांवरही उद्धव यांनी यावेळी भाष्य केले. ‘कबुतरे, भटके कुत्रे आणि हत्तिणीसाठी लोक हजारोंच्या संख्येने रस्त्यावर उतरतात. चांगली गोष्ट आहे. माणुसकी, भूतदया पाहिजे; पण जेव्हा पहलगामध्ये आपले नागरिक मारले गेले, सैनिक हुतात्मा झाले, आपल्या माता-भगिनींचे कुंकू पुसले गेले, तेव्हा माणुसकी आणि भूतदया कुठे गेली होती’, असा प्रश्न त्यांनी उपस्थित केला.

उद्धव म्हणाले…
पहलगामध्ये सैनिक हुतात्मा झाले, माता-भगिनींचे कुंकू पुसले गेले
तरीही तुम्ही पाकिस्तानसोबत क्रिकेट खेळायला परवानगी देणार आहात
राहुल गांधी यांनी मतचोरीच्या मुद्द्यावरून केंद्र सरकारचे ढोंग उघडे