पोलिसांनी दिलेल्या माहितीनुसार, आरोपीने घरातील संकट दूर करण्याच्या बहाण्याने एका महिलेची ओळख करून घेतली. त्यानंतर तिच्या विश्वासाचा गैरफायदा घेत तिला ‘नग्न पूजा’ करण्यास भाग पाडलं. या पूजा विधीचा व्हिडिओ त्याने स्वतःच चित्रीत केला आणि याच व्हिडिओचा आधार घेत महिलेला सतत ब्लॅकमेल करून अश्लील कृत्य करण्यास भाग पाडलं. पीडितेच्या कुटुंबियांना जीवे मारण्याची धमकीही तो देत होता. शेवटी महिलेनं धाडस दाखवत थेट पोलिसांकडे धाव घेतली आणि आरोपीच्या विकृत कृत्यांचा पर्दाफाश झाला.

पाकिस्तानविरुद्धच्या सामन्यांबद्दल मोदी सरकारची मोठी घोषणा; आशिया कपबद्दलही महत्त्वाचा निर्णय

या घटनेमुळे पुन्हा एकदा समाजात अंधश्रद्धेच्या नावाखाली लोकांची फसवणूक कशी केली जाते, हे स्पष्ट झालं आहे. आरोपी नेहमी आपल्या परिसरातील चहाच्या टपरीवर थांबत असे. तिथे लोक घरातील समस्या, आर्थिक अडचणी किंवा कौटुंबिक संकटे बोलत असताना तो त्यांच्याशी संपर्क साधायचा. ‘मी काळी जादू जाणतो, तुझ्या अडचणी दूर करतो,’ अशा गोड बोलांनी तो विशेषतः गरीब व कष्टकरी कुटुंबांवर डोळा ठेवून त्यांना जाळ्यात ओढायचा.

फसवणुकीबरोबरच आरोपीने अशा प्रकारचे कृत्य इतर महिलांसोबतही केलं असल्याचा संशय पोलिसांनी व्यक्त केला आहे. त्यामुळे पुढील तपासादरम्यान अनेक धक्कादायक प्रकरणे समोर येण्याची शक्यता आहे. या घटनेनंतर स्थानिक नागरिकांमध्ये प्रचंड संताप पसरला असून अंधश्रद्धेमुळे होणाऱ्या गैरप्रकारांवर कठोर कारवाई व्हावी, अशी मागणी होत आहे. पोलिसांनी आरोपीला न्यायालयात हजर केलं असून त्याचा सखोल तपास सुरू आहे.

Raigad News : रायगडात पावसाचे धुमशान! मच्छीमारांना वारा पावसाचा फटका, एक खलाशी बेपत्ता; शोधकार्याला वेग

नागपुरात आई-मुलाचा कारनामा

नागपूर शहराच्या हुडकेश्वर भागात घडलेली अलीकडील घटना नागपूरकरांसाठी हादरवून सोडणारी ठरली आहे. कारण, अनेकदा अशा रॅकेट्सच्या मागे बाहेरील टोळ्या किंवा संघटित गुन्हेगारी मंडळी असल्याचे आढळत असे. मात्र यावेळी देहव्यापाराचा हा गोरखधंदा आई आणि मुलगा यांनीच एकत्र येऊन रचला होता. पोलिसांनी बनावट ग्राहक पाठवून केवळ हजार रुपयांत सौदा ठरवला आणि त्यानंतर छापा मारत आई आणि मुलाला रंगेहात अटक केली.