बीड तालुक्यातील पांगरीच्या पुढे असलेल्या एका नाल्यात अयोध्या यांचा मृतदेह आढळून आला आहे. सध्या घटनास्थळी शिवाजीनगर पोलिस आणि स्थानिक गुन्हे शाखेचे टीम पोहोचली आहे. दरम्यान अयोध्या यांच्या मृत्युमागचं कारण अद्याप समोर आलेलं नाही. शिवाजीनगर पोलीस या प्रकरणाचा पुढील तपास करीत असल्याचंही सांगण्यात येत आहे. मयत महिलेचा मृतदेह पोलिसांनी ताब्यात घेतला असून त्याला शासकीय रुग्णालयात उत्तरीय तपासणीसाठी पाठवण्यात आला आहे.

सर्वात मोठी बातमी! गणेशोत्सवाआधी एकनाथ शिंदेंकडून भाविकांना मोठं गिफ्ट, कोकणात गावी जाणाऱ्या प्रवाशांना दिलासा

मिळालेल्या माहितीनुसार, अयोध्या बेपत्ता झाल्याबाबत शिवाजीनगर ठाण्यात तक्रार देण्यात आली होती. दोन दिवसांपासून त्या बेपत्ता होत्या. वासनवाडीच्या पुढे पांगरी जवळील एका नाल्यात अयोध्या यांचा मृतदेह आढळून आल्यामुळे आता पोलिसांनी एका महिलेस ताब्यात घेतलं असून त्या महिलेची चौकशी देखील सुरु असल्याचं सांगण्यात येत आहे . या घटनेमागे हत्येचा संशय व्यक्त करण्यात येतं असून पोलीस पुढील तपास करीत आहेत.

प्रेम प्रकरणातून २६ वर्षीय तरुणाची हत्या

अशीच एक धक्कादायक घटना परळी तालुक्यातील जळगव्हाण भागातील रत्ननगर तांडा येथे उशीरा रात्री घडलेल्या एका धक्कादायक घटनेनं परिसरात मोठी खळबळ उडाली आहे. गावातील भीमराव शिवाजी राठोड (वय अंदाजे २६) या तरुणाची प्रेम प्रकरणातून झालेल्या वादातून निर्घृण हत्या करण्यात आली आहे.

Nagpur Crime : ‘मी काळी जादू करणारा’, महिलेची नग्न पूजा करताना व्हिडिओ, ब्लॅकमेल करुन नको ते करायला लावलं, अखेर…

मिळालेल्या माहितीनुसार, आरोपी अनिल बाबासाहेब चव्हाण याच्याशी मयत भीमराव राठोड यांचा काही काळापासून कौटुंबिक आणि वैयक्तिक वाद सुरू होता. या वादाच्या मुळाशी एका प्रेम प्रकरणाचा संदर्भ असल्याचं प्राथमिक चौकशीत उघड झालं आहे. या घटनेनं जिल्ह्यात खळबळ उडाली आहे.