मिळालेल्या माहितीनुसार, हिंगणा वनपरिक्षेत्रातील पथक नेहमीप्रमाणे रात्रीच्या गस्तीसाठी निघाले होते. या दरम्यान संशयास्पद अवस्थेत जात असलेला एक ट्रक पथकाला दिसला. पथकाने तातडीने ट्रक थांबवला. चौकशी केली असता ट्रकमध्ये मोठ्या प्रमाणावर सागवानाचे लाकूड आढळून आले. सदर ट्रकचालकाकडून लाकडाच्या वाहतुकीसाठी आवश्यक परवानगीचे कागदपत्रे मागितले असता, तो एकही अधिकृत दस्तऐवज सादर करू शकला नाही. त्यामुळे वनविभागाने ट्रकसह सर्व लाकूड ताब्यात घेतले. प्राथमिक अंदाजानुसार जप्त करण्यात आलेल्या सागवान लाकडाची किंमत दोन लाख रुपयांहून अधिक असल्याचे समजते.

Solapur News : दक्षिण सोलापुरात अनेक गावांचा संपर्क तुटला, नद्यांच्या पाणी पातळीत वाढ, शेतकऱ्यांना अन् नागरिकांना सतर्कतेचा इशारा

वनविभागाच्या या कारवाईमुळे अवैधरीत्या सुरू असलेल्या सागवान तस्करीवर पुन्हा एकदा आळा बसला आहे. विभागाकडून या घटनेची नोंद घेऊन पुढील चौकशी सुरू करण्यात आली आहे. या प्रकरणामागे नेमके कोणते रॅकेट कार्यरत आहे, याचा तपास करण्यासाठी अधिकाऱ्यांनी विशेष पथक नियुक्त केल्याचे समजते.

वनसंपदा हा राष्ट्रीय संपत्तीचा अमूल्य वारसा मानला जातो. मात्र वाढत्या सागवान तस्करीमुळे जंगलांचा ऱ्हास होत असून जैवविविधतेवर गंभीर परिणाम होत आहेत. नागपूर जिल्ह्यातील विविध भागांत यापूर्वीही सागवान लाकूड तस्करीचे प्रकार उघड झाले आहेत. यावर कठोर कारवाई करण्यासाठी वनविभाग नियमितपणे गस्त घालत असतो. हिंगणा परिसरात नुकत्याच झालेल्या या कारवाईमुळे अवैध वृक्षतोडीला आळा घालण्याच्या प्रयत्नांना बळ मिळणार आहे. वनविभागाने नागरिकांना आवाहन केले आहे की, कुठेही अवैध वृक्षतोड अथवा लाकूड तस्करी सुरू असल्याचे दिसल्यास तातडीने विभागाला कळवावे.

Padmakar Valvi : भाजप सोडलं, अजित दादांशी भेट, माजी मंत्र्यांचा चकवा, काँग्रेसचा ‘हात’ धरत महायुतीला दणका

विद्यार्थ्यांचा जीवघेणा स्टंट

नागपूर शहरात वाहतूक नियमांचे उल्लंघन आणि रस्त्यावर धोकादायक स्टंटबाजीचे प्रकार थांबण्याचे नाव घेत नाहीत. नुकत्याच घडलेल्या एका घटनेत रामनगर चौक परिसरात तीन अल्पवयीन विद्यार्थी बुलेट मोटारसायकलवर बसून जीवघेणा स्टंट करताना आढळले आहेत. या प्रकाराचा व्हिडिओ स्थानिक नागरिकांनी मोबाईलवर टिपून सोशल मीडियावर शेअर केला. काही क्षणांतच हा व्हिडिओ व्हायरल झाला आणि पोलिसांच्या नजरेत आला. त्यानंतर संबंधित मुलांवर कारवाई करण्यात आली आहे.