Abdul Sattar : माजी मंत्री अब्दुल सत्तार यांच्या अडचणीत वाढ झाली आहे. सत्तार यांनी आमदार निधीतून ॲम्बुलन्स खरेदी करून स्वतःच्या संस्थेला दिल्याचा आरोप आहे. सामाजिक कार्यकर्त्याने सिल्लोड पोलीस स्टेशनमध्ये तक्रार दाखल केली आहे. त्यामुळे राजकीय वर्तुळात खळबळ उडाली आहे.
काय आहे आरोप?
आमदार अब्दुल सत्तार यांनी 2014 साली आपल्या आमदार निधीमधून दोन ॲम्बुलन्स खरेदी करून आपला स्वतःचा मुलगा अब्दुल समीर यांच्या प्रगती शैक्षणिक संस्थेला दिल्या. दोघांनी मिळून शासनाची दिशाभूल करून आर्थिक फसवणूक केली आहे जिल्हा शल्य चिकित्सक जिल्हाधिकारी व नियोजन विभाग मंत्रालयाचे उपसचिव यांनी नियम धाब्यावर ठेवून कोणतीही कागदांची पडताळणी न करता अब्दुल सत्तार व त्यांच्या मुलांना आर्थिक लाभ पोहोचवला. 2014 आणि 2018 या दोन्ही वर्षी अब्दुल सत्तार यांच्या नॅशनल एज्युकेशन सोसायटी व प्रगती शैक्षणिक संस्था यांना एकूण पाच ॲम्बुलन्स आमदार निधी मधून देण्यात आल्या असे शंकरपल्ली यांनी तक्रारीत नमूद केले आहे.
भाजप आमदार किसन कथोरे यांचा आरोपांचा बॉम्ब, बदलापूरमध्ये प्रभाग रचनेत मोठी फिक्सिंग झाल्याचा खळबळजनक दावा
नेमकी तक्रार काय मुद्द्यांमध्ये पाहू?
१) आमदार अब्दुल सत्तार यांनी दोन ॲम्बुलन्स स्वतःच्या सोयगाव येथील प्रगती शैक्षणिक संस्थेला दिल्या
२) सर्व ॲम्बुलन्स जिल्हा शल्यचिकित्सक यांच्या नावाने खरेदी
३) आतापर्यंत जवळपास पाच ॲम्बुलन्स हस्तांतर करण्यात आल्या
४) नॅशनल एज्युकेशन सोसायटी व प्रगती शैक्षणिक संस्था यांचे कोणतेही आरोग्य सेवेमध्ये अनुभव नाही किंवा त्यांचे कोणतेही रुग्णालय नाही
५) उपसचिव मंत्रालय यांनी विशेष बाब म्हणून ॲम्बुलन्स मंजुरी दिली
६) विशेष बाब अंतर्गत निधी तेव्हा मंजूर केल्या जातो जेव्हा एखाद्या कामाचे निश्चित मर्यादा निधीपेक्षा जास्त रक्कम होत असेल तेव्हा त्याला विशेष बाब म्हणून गृहीत धरले जाते
७) दोन्ही संस्थांना ॲम्बुलन्स ची आवश्यकता आहे का याची पडताळणी जिल्हा शल्य चिकित्सक आणि जिल्हाधिकारी यांनी केलेली नाही
८) शासनाच्या 2011 आमदार निधी मार्गदर्शक सूचनानुसार परिशिष्ट क्रमांक एक मध्ये सार्वजनिक आरोग्य विभाग तक्त्यामध्ये स्पष्ट दिलेले आहे की रुग्णालय हे स्थानिक स्वराज्य संस्था नगरपरिषद नगरपालिका ग्रामपंचायत यांच्या अंतर्गत असलेले रुग्णालय प्राथमिक आरोग्य केंद्र उपजिल्हा रुग्णालय यांनाच देता येते
९) प्रगती शैक्षणिक संस्थेचे संचालक अब्दुल समीर व अब्दुल सत्तार आहेत आणि अब्दुल सत्तार यांच्या पत्नीचा बेगम सह परिवारातील व्यक्ती सदस्य आहेत
१०) वरील सर्व मुद्द्यांसहित फिर्याद दाखल करण्यात आलेली असून फिर्यादी यांनी मुख्यमंत्री तथागृहमंत्री देवेंद्र फडणवीस आणि उपमुख्यमंत्री एकनाथ शिंदे यांच्याकडे अब्दुल सत्तार यांच्यावर कायदेशीर गुन्हा दाखल करण्याचे मागणी केली आहे
या संपूर्ण तक्रारीतील मुद्द्यांवरून अब्दुल सत्तार यांच्या अडचणीत पुन्हा एकदा मोठ्या प्रमाणात वाढ होण्याची शक्यता वर्तवली जात आहे.
लेखकाबद्दलविमल पाटीलविमल पाटील, महाराष्ट्र टाइम्समधून वेब पत्रकारितेला सुरुवात केली, गेले एक वर्ष कन्सलटन्ट म्हणून काम करत आहे. डिजिटल पत्रकारितेत वृत्त संकलन, सोशल मीडियाचे व्यवस्थापन आणि फिल्ड रिपोर्टिंगचा अनुभव आहे. याआधी त्यांनी आर. एन. ओ. वृत्तसंस्थेसाठी फिल्ड रिपोर्टर म्हणून कार्य करत असताना विविध सामाजिक, राजकीय व स्थानिक विषयांवर रिपोर्टिंग केले आहे. तसेच, त्यांनी सामना आणि लयभारी या माध्यमांमध्ये सोशल मीडिया हँडलर म्हणूनही काम पाहिले आहे. त्या मुंबई विद्यापीठाच्या पत्रकारिता विभागातून पत्रकारितेची पदव्युत्तर प्राप्त आहे.… आणखी वाचा