वडाळा पूर्वेकडे लक्ष्मी (बदललेले नाव) या ७९ वर्षीय वृद्धा एकट्याच वास्तव्यास असून आठ वर्षांपूर्वी त्यांच्या पतीचे निधन झाले. त्यांना ‘कंट्री लाइट’ या कंपनीचे दूध हवे होते. यासाठी त्यांनी गुगलवर शोध घेतला असता त्यांना एक क्रमांक मिळाला. दीपक नाव सांगणाऱ्या तरुणाने मी तुम्हाला मदत करतो असे सांगितले.
मध्य रेल्वेप्रवाशांना मोठा दिलासा! डिसेंबरपर्यंत १५ डब्यांच्या फेऱ्या दुप्पट, फलाट विस्ताराचे काम सुरु
एक लिटर दूध तुम्हाला घरपोच मिळेल त्यासाठी फोन चालू ठेवून मी लिंक पाठवेन त्यावर क्लिक करा असे दीपक म्हणाला. त्यानुसार फोन सुरूच ठेवत लक्ष्मी यांनी लिंकवर क्लिक केले. तो सांगेल त्याप्रमाणे लक्ष्मी करण्याचा प्रयत्न करीत होत्या. सुमारे दीड तास फोन सुरू ठेवून दीपक नेमके काय करायला सांगतोय हे समजत नसल्याने कंटाळून त्यांनी फोन कट केला. दुसऱ्या दिवशी दीपक याला फोन करण्याचा प्रयत्न केला मात्र काहीच प्रतिसाद मिळत नव्हता.
मुंबईकरांनो, कृपया लक्ष द्या! पश्चिम रेल्वेवर उद्या मेगाब्लॉक, कोणत्या लोकल रद्द? पाहा Timetable
बँकेत काम असल्याने लक्ष्मी आयसीआयसीआय बँकेच्या शाखेत गेल्या. त्यावेळी त्यांच्या बँक खात्यात शून्य बॅलन्स होता. १ लाख ७० हजार रुपये बँक खात्यामधून काढण्यात आले होते. हे पाहून लक्ष्मी यांनी अन्य दोन बँकांतील खाती तपासली असता ती देखील पूर्ण रिकामी करण्यात आली होती. तिन्ही खात्यामधून मिळून १८ लाख ५२ हजार रुपये काढण्यात आले होते. बँकेत याबाबत अधिक माहिती काढली असता दीपकनेच लक्ष्मी यांंचा मोबाइल हॅक केल्याचे निष्पन्न झाले.