कार्यक्रमात भाषण करताना आमदार रोहित पवार यांनी अजित पवार यांच्याबद्दलचा एक किस्सा सांगत सुरुवातीला त्यांना चिमटा काढला. “काही वर्षांपूर्वी आम्ही एकत्र पक्षात असताना मी अधिवेशनात भाषण करताना कसा उभा राहतो, माझ्या शर्टची बटणं कशी असतात, याकडे अजित पवारांचं त्याकाळी बारकाईने माझ्यावर लक्ष होतं. आता ते गावकीचा विचार करतात, भावकीला कुठेतरी विसरले आहेत,” असं रोहित पवार म्हणाले होते. रोहित पवारांच्या या टोमण्याला अजित पवारांनी नंतर आपल्या खास रोखठोक शैलीत उत्तर दिलं.

Maharashtra Politics : बीएमसी निवडणुकीच्या तोंडावर ठाकरे बंधूंच्या युतीची लिटमस टेस्ट, जागावाटप ठरलंय ‘बेस्ट’, फडणवीसांना थेट भिडणार

भावकीकडं लक्ष दिलं म्हणूनच तू आमदार झालास, असं म्हणत अजित पवार यांनी रोहित पवारांना सडेतोड उत्तर दिलं. “जयंतराव त्याला विचारा किती मतं पडली, पोस्टल बॅलेटमध्ये निवडून आलाय आपण. त्यामुळे माझ्या कुणी नादाला लागू नका. तुम्ही तुमचं काम करा, मी तुम्हाला एक अक्षर बोलणार नाही. मी महायुतीमध्ये आल्यापासून मी कधी तुमच्यावर टीका टिप्पणी केली का? तुम्ही तुमच्या विचारांनी चाललाय, मी माझ्या विचारांनी चाललोय,” असं अजित पवारांनी म्हटलं. त्यामुळे आज जाहीर कार्यक्रमातच काका-पुतण्या यांच्यामध्ये सुरू असलेला राजकीय कलगीतुरा उपस्थितांना पाहायला मिळाला.

“आम्ही 1990-95-99 साली पक्षात ज्युनिअर होतो. त्यावेळी मी, आर आर पाटील, जयंत पाटील, दिलीप वळसे-पाटील खूप ज्युनिअर होतो. राज्यात 1999 ला सरकार आल्यावर शरद पवार, प्रफुल्ल पटेल, छगन भुजबळ, विलासराव देशमुख अशी मंडळी होती. 2004 मध्ये आमचं थोडं जमलं, परंतु आता काही जणांना पहिल्या टर्ममध्ये आपण मोठे झाल्यासारखं वाटतयं, भाषण करावंस वाटतंय. माझ्या पक्षात कोणी काय करायचं, हे सल्ले मला दुसरेच द्यायला लागलेत, पण तुम्ही तुमचं बघा, मी माझं बघतो काय करायचं, काय करायचं नाही,” असा हल्लाबोलही अजित पवार यांनी पक्षांतर्गत वादावरून टीका करणाऱ्या रोहित पवार यांच्यावर केला आहे.