कल्याण कोळसेवाडी हद्दीतील राहाणारी एक महिला हि दुसऱ्या व्यक्ती सोबत विवाह करून राहत असल्याने, व तिचा पती हा कारागृहात असल्याने, त्या महिलेच्या दोन मुली या त्या महिलेच्या मामाकडे राहात होत्या. तर साधारण ऑगस्ट 2024 मध्ये दोन मुलींपैकी 4 वर्षीय लहान मुलगी ही कर्जत तालुक्यातील नेरळ पोलीस ठाणे हद्दीतील मौजे चिंचवली येथे राहाणाऱ्या मावशी अपर्णा प्रथमेश उर्फ आमर कांबरी तिच्या सोबत चिंचवली येथील राहात्या घरी आली होती. तर सदर मुलीची चौकशी व विचारपूस ही मुलीचा मामा व आत्या हे मुलीचे काका प्रथमेश उर्फ आमर प्रविण कांबरी यांच्या फोनवर फोन करून करत असे, मात्र दोन महिन्या नंतर सदर मुलीची चौकशी व विचारपूस करण्यासाठी फोन केला असता, मुलीचा काका हा मी बाहेर आहे. ती घरी आहे. अशा प्रकारची उत्तरे देत असल्याने, मुलीच्या मामा व अत्या व इतर नातेवाईकानी चिंचवली येथील मावशीच्या घरी गेले असता, घर बंद असल्याचे दिसून आले.

याबाबत संशय निमार्ण झाल्याने, त्यांनी मुलगी हरवल्याची असल्याची तक्रार ही कल्याण कोळसेवाडी पोलीस ठाण्यात ऑक्टोंबर 2024 रोजी दाखल केली होती. सदर तक्रारीनुसार कोळसेवाडी पोलीसांनी तपास सुरू केला असता, काका व मावशी हे चिंचवली येथील राहत्या घरातून फरार असल्याचे निष्पन्न झाले. त्या दोघांचा तपास सुरू केला असता, तब्बल 10 महिन्यानी प्रथम मावशीला कोळसेवाडी पोलीसांनी ताब्यात घेतले. फरार काका प्रथमेश कांबरी यांची चौकशी केली असता तिला मारल्याची व तिचा मृत्यू झाल्याचे कबुल केले. आरोपी काका याला मुलीचा मृतदेहा बद्दल विचारणा केली असता, चिंचवळी गावाचे हद्दीत कर्जत – कल्याण राज्य मार्गावच्या व शेजारी भाऊसाहेब राऊत विद्यालयाच्या शेजारील असलेल्या झाडीत टाकल्याचे सांगितले. 4वर्षीय मृत मुलीच्या मृतदेहाचे अवशेष हे कल्याण कोळसेवाडी पोलीसांनी आरोपी काकाने दाखवलेल्या घटनास्थावरून हस्तगत केले आहे.

मारण्याचे कारण
त्या लहान मुलीने एक, दोन वेळा शौच केल्याचा राग आल्याने मी तिला मारहाण केली. त्यामध्ये तिचा जिव गुदमरला होता. मी घाबरल्याने तिला डॉक्टरकडे नेले नाही व तिचा मृत्यू झाला तिचा मृतदेह हा मी माझी पत्नीने गादीमध्ये गुंडाळून रात्रीचे काळोखात कर्जत – कल्याण राज्य मार्गावरील भाऊसाहेब राऊत विद्यालयाच्या शेजारील असलेल्या झाडी मध्ये टाकल्याची कबुली ही आरोपी काका प्रथमेश कांबरी यांनी पोलिसांसमोर कबुली दिली.