शनिवारी सकाळी ७.३० वाजण्याच्या सुमारास ही व्यक्ती दादरच्या कबुतरखान्याजवळ कार घेऊन आली. या व्यक्तीच्या कारवर कबुतरांसाठी खाद्य असलेला ट्रे बांधण्यात आला होता. स्थानिकांनी या प्रकरणी उच्च न्यायालयाने निर्देश दिल्याची आठवण करून दिली. तरीही ती व्यक्ती ऐकत नव्हती. यावरून स्थानिक रहिवासी आणि त्या व्यक्तीमध्ये शाब्दिक बाचाबाचीही झाली.
Mumbai News: हायब्रिड ऊर्जेला बळ; ‘मध्य वैतरणा’च्या वीजप्रकल्पासाठी ४.९० हेक्टर जमीन देण्यास मंजुरी
दादर येथील कबुतरखाना ताडपत्रीने झाकला आहे. मात्र कबुतरांना खाद्य घालण्यास मनाई केल्यानंतरही, महेंद्र संकलेछा यांनी स्वतःच्या गाडीच्या टपावर दाणे टाकून ती कबुतरखान्याजवळ उभी केली. त्यामुळे स्थानिक रहिवासी कमालीचे संतप्त झाले होते. स्थानिकांनी या व्यक्तीला खडे बोल सुनावले.
लाडकी बहीण योजना पुढील 5 वर्ष सुरुच राहणार; रक्षाबंधनानिमित्त मुख्यमंत्र्यांची मोठी घोषणा
कबुतरांना धान्य, दाणे टाकल्याने सामान्यांचे आरोग्य धोक्यात येऊ शकते. त्यामुळे कबुतरांना सार्वजनिक ठिकाणी खाद्य देण्यास मनाई करण्यात आली आहे. या निर्णयानंतर काही कबुतरप्रेमींनी आक्रमक होत आपला विरोध दर्शवत नाराजी व्यक्त केली. यावेळी स्थानिकांनी अडवले असता, त्या व्यक्तीची मुजोरी पाहायला मिळाली. या प्रकरणाचा व्हिडीओही वेगाने व्हायरल झाला.

कबुतरांना खायला घालण्याप्रकरणी माहीममध्ये अज्ञाताविरोधात गुन्हा नोंदवण्यात आला होता. ती मुंबईतील पहिली कारवाई होती. नागरिकांच्या आरोग्याला धोका पोहचत असल्याने कबुतरखाने बंद करण्याचे निर्देश राज्य सरकारने मुंबई महानगरपालिकेला दिले आहे. त्यानुसार पालिकेने कबुतरखाना बंद करून पन्नास किलो धान्य जप्त केले .