Buldhana Rain: बुलढाणा तालुक्यातील रायपूर मंडळासह चिखली व हातणी मंडळात अतिवृष्टीची नोंद झाली आहे. पिके पाण्याखाली गेली. अनेक घरांमध्ये पाणी शिरून धान्यासह साहित्याची हानी झाली. काही ठिकाणी घरांची पडझड झाली.
चिखली तालुक्यातील पांढरदेवसह भोरसा भोरसी, वरखेड, सावंगी गवळी, मंगरुळ नवघरे, घानमोड मानमोड, अंबाशी, खैरवसह अन्य गावांमध्ये शनिवारी सकाळी ढगफुटीसदृश पाऊस पडल्याने प्रचंड नुकसान झाले आहे. उभी पिके पाण्याखाली गेली. घरांची पडझड झाली. दुपारी दीड वाजेपर्यंत पावसाची मुसळधार कायम होती.
घोटीत धावत्या रेल्वेखाली दाम्पत्याने संपवलं जीवन, घटनेनं एकच खळबळ, का घेतला टोकाचा निर्णय?
देऊळगाव राजा तालुक्यात मध्यरात्रीपासून सकाळपर्यंत मुसळधार पाऊस सुरू होता. आमना नदीला पूर आल्याने आमना ते आसोला मार्ग बंद झाला होता. अनेक ठिकाणी गावातील रस्त्यांवरून पाणी वाहून लागल्याने रस्त्यांना नद्यांचे स्वरूप प्राप्त झाले होते. शेतातील पिके पाण्याखाली गेल्याने मोठे नुकसान झाले आहे. सिंदखेड राजा तालुक्यात शुक्रवारी सायंकाळपासून संततधार पाऊस सुरू होता. त्यामुळे नदी, नाल्यांना पूर आला. गाव तलाव ओव्हरफ्लो झाले. अनेक ठिकाणी पूरपरिस्थिती निर्माण झाली.
खडकपूर्णा ८५ टक्के भरले
देऊळगाव राजा तालुक्यातील खडकपूर्णा प्रकल्प ८५ टक्के भरला आहे. पाऊस सुरूच असल्याने धरणाचे काही दरवाजे उघडले जाणार आहेत. मेहकर तालुक्यातील पेनटाकळी धरण ८०.९७ टक्के भरले आहे. धरणाचे पाच वक्रद्वारे २० सें.मी. ने उघडून पाण्याचा विसर्ग केला जात आहे. मेहकर तालुक्यातील कोराडी आणि उतावळी हे दोन मध्यम प्रकल्प शंभर टक्के भरले आहेत. खामगाव तालुक्यातील रायधर लघु पाटबंधारे प्रकल्प शंभर टक्के भरला आहे.
सोलापुरात विजेचा धक्का लागून शेतकऱ्यासह मजुराचा मृत्यू; दोन जण थोडक्यात बचावले, घटनेनं हळहळ
पांढरदेव जिल्हा परिषद शाळा जलमय
पांढरदेव येथील जिल्हा परिषद शाळेच्या आवारात पाणी साचल्याने तलावाचे स्वरूप आले. पांढरदेवसह काही गावांमध्ये घरांचेही मोठे नुकसान झाले आहे. सखल भागातील अनेक घरांमध्ये पाच ते सात फुटांपर्यंत पाणी शिरले. ग्रामस्थांनी रात्र जागून काढली.
घोर कलियुग! मुंबईत 6 दिवसांच्या बाळाचा साडेपाच लाखांना सौदा; आईसह पाच जणांवर गुन्हा दाखल
पुरात वाहणाऱ्या दुचाकीस्वारास वाचविले
बुलढाणा : नातेवाइकाच्या अंत्यसंस्काराला वेळेत पोहोचता यावे म्हणून एका तरुणाने पुरात दुचाकी घालून रस्ता ओलांडण्याचा प्रयत्न केला. मात्र तो वाहून जावू लागला. यावेळी काठावर उभ्या असलेल्या दोन युवकांनी आपला जीव धोक्यात घालून त्याचे प्राण वाचविले. सिंदखेड राजा तालुक्यातील सोनोशी ते राहेरी महामार्गावर शनिवारी सकाळी ही घटना घडली. शेख जावेद व शेख आसेफ रा. सोनोशी असे जीव वाचविणाऱ्या युवकांची नावे आहेत.
यवतमाळ जिल्ह्यात आठ मंडळांत अतिवृष्टी
यवतमाळ : गेल्या २४ तासांत यवतमाळ तालुक्यातील हिवरी, दारव्हा तालुक्यातील मांगकिन्ही, पुसद तालुक्यातील पुसद, गहुली, शेंबाळपिंप्री, बेलोरा, बोरी व महागाव तालुक्यातील कासोला या आठ मंडळांमध्ये अतिवृष्टी झाली आहे. सर्वात जास्त फटका पुसद तालुक्याला बसला आहे
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा