सुनिल विजय कसबे (वय 32), सारिका उर्फ सावित्रा सुनिल कसबे (वय 27), सुनिता विजय कसबे (वय 47) करण काळु कसबे (वय 22, सर्व रा. गारुडीवस्ती, लोणी काळभोर ता. हवेली जि. पुणे), अक्षय केवट (वय 30) व अजित सिंग (वय 30, दिघेही रा. कदमवाकवस्ती ता. हवेली जि. पुणे) असे गुन्हा दाखल करण्यात आलेल्या आरोपींची नावे आहेत.

पोलिसांनी दिलेल्या माहितीनुसार, फिर्यादी आणि त्यांचे पती तुकाराम भाले हे लोणी काळभोर येथील इंडियन ऑईल टर्मिनल कंपनीमध्ये काम करीत होते. तेव्हा आरोपी अक्षय केवट हा फिर्यादी यांना म्हणाला ‘तु मला आवडते’ मला तुझ्यासोबत रिलेशन मध्ये राहायचे आहे, तुझ्या नवऱ्याला देखील काही कळणार नाही. असे म्हणुन फिर्यादी यांची छेडछाड करून अश्लील बोलायचा. तसेच कोणीही नसताना फिर्यादी यांच्यासोबत लगट करून विनयभंग ही केला.
UP News: रक्षाबंधनापूर्वी भावाने आयुष्य संपवलं, राखी बांधायला आलेली बहीण बॉडी पाहताच कोसळली, कुटुंबाचा आक्रोश
फिर्यादी व त्यांचे पती तुकाराम भाले यांनी या प्रकाराबाबत कंपनीच्या वरिष्ठांकडे तक्रार केली. वरिष्ठांना तक्रार केल्याने सुपरवायझर अजित सिंग व सुनिल कसबे यांनी फिर्यादी यांना कामावरुन काढुन टाकले. त्यानंतर फिर्यादी यांचे पती तुकाराम भाले यांना सुध्दा कामावरुन काढुन टाकण्याची धमकी देवुन मानसिक त्रास दिला.

या सततच्या होणाऱ्या त्रासाला कंटाळून तुकाराम भाले यांनी राहत्या घरामध्ये लोखंडी अँगलला साडीच्या सहाय्याने गळफास घेवुन आपली जीवन यात्रा संपवली आहे. या प्रकरणी पिडीतेने लोणी काळभोर पोलीस ठाण्यात फिर्याद दिली आहे. त्यानुसार आरोपींच्या विरोधात गुन्हे दाखल करण्यात आले आहे. पुढील तपास पोलीस ठाण्याच्या पोलीस निरीक्षक स्मिता पाटील करीत आहेत.