Tasgaon Gauri Elephant Vantara Offer : गौरी हत्तीला प्रेमाने ‘गजलक्ष्मी’ म्हणून संबोधलं जात असून तासगाव तालुक्याच्या सांस्कृतिक आणि भावनिक अस्मितेचे प्रतीक मानले जाते
गौरी हत्ती : तासगावची अस्मिता
गौरी हत्तीला प्रेमाने ‘गजलक्ष्मी’ म्हणून संबोधलं जातं. ती तासगाव तालुक्याच्या सांस्कृतिक आणि भावनिक अस्मितेचे प्रतीक आहे. तिची योग्य काळजी घेण्यासाठी राजवाड्यात चारा, पाणी, आंघोळ आणि आरोग्याची सर्वतोपरी व्यवस्था केली जाते. गौरी दररोज तासगाव शहरात फेरफटका मारते, त्यामुळे ती स्थानिकांमध्ये अत्यंत लोकप्रिय आहे. मात्र, अलिकडच्या काळात हत्तींची हेळसांड होण्याचे प्रकार वाढत असल्याने स्थानिकांमध्ये चिंता निर्माण झाली आहे.
वनताराची ऑफर आणि धक्कादायक खुलासा
देवस्थानचे विश्वस्त राजेंद्र पटवर्धन यांनी सांगितलं की, गवळी नावाच्या एका व्यक्तीने पशुवैद्यकीय विभागाचा अधिकारी असल्याचा दावा करत संपर्क साधला. त्याने गौरी हत्ती ‘अनफिट’ असल्याचं प्रमाणपत्र देण्याची तयारी दाखवत दोन कोटी रुपये देण्याची ऑफर केली. मात्र, पुढील पत्रव्यवहारातून ही व्यक्ती पशुवैद्यकीय विभागाशी संबंधित नसल्याचे उघड झाले. नांदणी मठातील माधुरी हत्ती प्रकरण ताजे असताना गौरीच्या बाबतीत असा प्रकार घडू नये यासाठी आम्ही सतर्क आहोत, असे पटवर्धन यांनी स्पष्ट केले.
सह्यांची मोहीम
नांदणी मठातील हत्ती प्रकरणानंतर तासगावातील गणपती पंचायतन देवस्थान समितीने ठाम भूमिका घेतली आहे. येत्या संकष्टीला गौरीच्या संरक्षणासाठी सह्यांची मोहीम राबवली जाणार आहे. या मोहिमेत तासगावसह सांगली जिल्हा भरातून लोकं सहभागी होणार आहेत.
Thane Crime : निळ्या टीशर्टवाल्याने माझ्याशी… ठाण्याच्या नामांकित शाळेत 4 वर्षीय मुलीसोबत गैरकृत्य, CCTV मध्ये मात्र…
गौरी आमच्या कुटुंब आणि तासगाववासियांचा भाग आहे. तिच्या सुरक्षेसाठी आम्ही कोणतीही तडजोड करणार नाही, असे पटवर्धन यांनी ठणकावून सांगितले. या मोहिमेत स्थानिक भक्त मोठ्या संख्येने सहभागी होऊन गौरीच्या संरक्षणासाठी एकजूट दाखवतील, असा विश्वास त्यांनी व्यक्त केला.
महादेवी आमचीच होती… आहे… आणि राहील; वावडी महोत्सवात हत्तीणीविषयी प्रेम, बॅनर चर्चेत!
आम्ही गौरीला फोटोसाठीही कोणाला परवानगी देत नाही. तिच्या सुरक्षेसाठी आम्ही सर्वतोपरी खबरदारी घेत आहोत, असे त्यांनी नमूद केले. तासगावसह अन्य भागांतील देवस्थान समित्यांनाही वनताराकडून अशा ऑफर येत असल्याची माहिती समोर येत आहे. त्यामुळे हत्ती संरक्षणाचा मुद्दा अधिक गंभीर बनला आहे.
Crime News: तू खूप क्यूट आहेस, घरी सांग उशिरा येते, फिरायला जाऊ; चौथीतील मुलीला स्कूल बसमध्ये अश्लील स्पर्श, 30 वर्षीय चालकावर गुन्हा
पुढे काय?
येत्या संकष्टीला राबवण्यात येणारी सह्याची मोहीम हत्ती संरक्षण आणि जनजागृतीसाठी मैलाचा दगड ठरणार आहे. गौरी हत्तीच्या सुरक्षेसाठी तासगावातील जनता आणि देवस्थान समिती एकजुटीने पुढे येत असून, यामुळे हत्तींच्या हेळसांडीविरोधात मोठा संदेश जाईल, अशी आशा आहे.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा