Palghar News : वसई-विरार महापालिकेचे माजी नगरसेवक असलेल्या स्वप्नील बांदेकर यांचा पक्षप्रवेश एकनाथ शिंदे यांच्या हस्ते झाला.
पालघर तालुक्यातील मनोर येथील एका रिसॉर्टमध्ये उपमुख्यमंत्री शिंदे यांच्या अध्यक्षतेखाली शिवसेनेची संघटनात्मक बैठक सोमवारी पार पडली. यावेळी बोईसरचे आमदार विलास तरे, पालघरचे आमदार राजेंद्र गावित, संपर्कप्रमुख रवींद्र फाटक आणि अन्य पदाधिकारी उपस्थित होते. याच वेळी हिट अँड रन प्रकरणात निलंबित करण्यात आलेले माजी उपनेते राजेश शहा यांना व्यासपीठावर स्थान दिल्याने चर्चेला उधाण आले होते. शिंदे नेमके कोणत्या निकषांवर पक्षप्रवेश देतात, याबाबत संशय व्यक्त होऊ लागला आहे.
या बैठकीनंतर विविध पक्षांतील पदाधिकाऱ्यांनी शिंदे गटात प्रवेश केला. वसई-विरार महापालिकेच्या 2015-2020 कालावधीत नगरसेवक असलेल्या स्वप्नील बांदेकर यांचा पक्षप्रवेश एकनाथ शिंदे यांच्या हस्ते झाला. विशेष बाब म्हणजे, बांदेकर यांच्यावर 10 कोटींच्या खंडणीचा गंभीर गुन्हा दाखल असूनही त्यांचा पक्षप्रवेश झाल्यामुळे उपस्थितांच्या भुवया उंचावल्या होत्या.
Mahesh Patil : राष्ट्रवादीच्या नेत्याच्या मुलाला संपवलं, तिघे दोषी, शिवसेना माजी नगरसेवकाची निर्दोष सुटका
बांदेकर व इतर तिघांनी मिळून एका बांधकाम व्यावसायिकाकडे 10 कोटी रुपयांची खंडणी मागितल्याचा आरोप आहे. नवघर पोलिसांनी सापळा रचून खंडणीपैकी 25 लाख रुपये घेताना, ही कारवाई केली होती. बांदेकर यांना किशोर काजरेकर व निखिल बोलार या सहकाऱ्यांसह अटक झाली होती. खंडणीचा पहिला हप्ता घेण्यासाठी हिमांश शहा हा बनाना लिफ हॉटेल, भाईंदर येथे आला असताना पोलिसांनी अटक केली होती.
Eknath Shinde Speech | काही लोकं कार्यकर्त्यांना घरगडी समजतात, शिंदेंचा हिंगोलीतून ठाकरेंवर घणाघात
Pune Crime : कोरगाव पार्क हिट अँड रन प्रकरण, कार चालकाचा तब्बल 8 वेळा जामीन अर्ज, धडा शिकवण्यासाठी कोर्टाने थेट…
स्वप्नील बांदेकर यांनी आकाश गुप्ता यांच्या वरळीतील झोपडपट्टी पुनर्विकास प्रकल्पाविरोधात तक्रारी केल्या होत्या. त्या तक्रारी मागे घेण्यासाठीच खंडणी मागितल्याचा आरोप आहे. शिवसेनेत फूट पडल्यानंतर ते ठाकरे गटात गेले होते. या कार्यक्रमात माजी आमदार श्रीनिवास वनगा यांनी सुरुवातीला व्यासपीठावर जाण्याऐवजी सामान्य कार्यकत्यांमध्ये बैठक मांडल्याने तोही चर्चेचा विषय ठरला. पालघर जिल्हा परिषदेचे माजी अध्यक्ष प्रकाश निकम, जे विधानसभेला बंडखोर म्हणून ओळखले जातात, त्यांनी भाजपकडून स्थानिक निवडणूक लढविण्याची शक्यता असल्याने या बैठकीला उपस्थित राहणे टाळले, अशी चर्चा होती.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा