लातूर जिल्ह्यातील औसा, किल्लारी, भादा, रेणापूर, चाकूर, अहमदपूर परिसरात चोरीच्या घटना वाढल्या होत्या. त्यामुळे पोलिसांनी गस्त वाढवली होती. 2 ते 3 ऑगस्टच्या दरम्यान औसा आणि भादा पोलिसांना गुप्त माहिती मिळाली. शिवली मोड आणि सिंघाळा येथे एक संशयास्पद गाडी फिरत आहे, अशी माहिती नागरिकांनी पोलिसांना दिली. पोलिसांनी तात्काळ कारवाई करत गाडीला घेरले. गाडीतील 3 लोक पळून गेले, पण पोलिसांनी 5 जणांना पकडले.
Ratnagiri News: रत्नागिरी पती-पत्नी मृत्यू प्रकरणात नवी अपडेट, निलेशची बॉडी सापडली, दोन महिन्यातच संसाराचा शेवट
पकडलेल्या आरोपींची नावे: रिहान मुस्तफा शेख, अन्वरखॉ जलालखॉ पठाण, हफिज मुमताजोददीन शेख, सादेक मोहम्म्द यासिन मोहम्मद आणि फारुख नबी शेख. पोलिसांनी त्यांच्याकडून कोयता, चाकू, लाकडी दांडके, लोखंडी पहार, कटावणी, स्टील रॉड, बनावट नंबर प्लेट, स्क्रू ड्रायव्हर, लोखंडी साखळी, ग्राइंडर मशीन आणि एक टेम्पो (MH 44 U 3298) जप्त केला. “सदर आरोपी रेकार्डवरील सराईत गुन्हेगार असून त्याचेवर लातूर जिल्हासह शेजारील जिल्हे व राज्यात गुन्हे दाखल असल्याचे प्रथमदर्शनी निष्पन्न झाले आहे,” असे पोलिसांनी सांगितले. त्यांच्याकडून हत्यारे आणि 7 लाख 71 हजार 250 रुपयांचा माल जप्त केला आहे.
Baramati News: जमिनीच्या तुकड्यावरुन वाद अन् ज्याच्यासोबत लहानपण घालवलं त्या भावाला संपवलं, बारामती हादरलं
याप्रकरणी भादा पोलीस ठाण्यात गुन्हा (कलम 155/25, कलम 310 (4), 310 (5) भारतीय न्याय संहिता) दाखल करण्यात आला आहे. या प्रकरणाचा अधिक तपास सपोनी महावीर जाधव करत आहेत. पोलीस निरीक्षक सुनील रेजितवाड, सपोनी महावीर जाधव, पोलीस उपनिरीक्षक भाऊसाहेब माळवदकर आणि इतर कर्मचाऱ्यांनी या कारवाईत भाग घेतला. स्थानिक गुन्हे शाखेचे पोलीस निरीक्षक सुधाकर बावकर यांच्या टीमने देखील मदत केली. नागरिकांच्या मदतीमुळे आणि पोलिसांच्या तत्परतेमुळे आरोपी पकडले गेले.