मुंबई महापालिका निवडणुकीच्या तयारीला लागण्याचे आदेश राज ठाकरे यांनी पदाधिकाऱ्यांना दिले. मनपा निवडणुकीच्या पार्श्वभूमीवर आढावा घेत राज ठाकरेंनी मतदार यादीवरुनही भाष्य केलं. मतदार याद्या तपासून घ्या, जुने कार्यकर्ते, पदाधिकाऱ्यांना निवडणुकीच्या तयारीसाठी सोबत घ्या, अशी सूचना राज ठाकरेंनी यावेळी पदाधिकाऱ्यांनी दिली.

बाळा नांदगावकर काय म्हणाले?

जर आम्ही दोघं भाऊ 20 वर्षांनी एकाच मंचावर येऊ शकतो, तर तुम्हीही आपापसातले वाद बाजूला ठेवा आणि एकोप्यानं काम करा, असा सल्ला राज ठाकरे यांनी दिल्याचं मनसे नेते बाळा नांदगावकर यांनी माध्यमांशी बोलताना सांगितलं.
Uddhav Thackeray : मनसेसोबत युतीच्या चर्चा; उद्धव ठाकरेंचा तीन दिवसांचा दिल्ली दौरा, कोणाच्या भेटीगाठी?

मुंबई महापालिका निवडणुकांकडे ठाकरेंचं लक्ष

महाराष्ट्र नवनिर्माण सेना मुंबईत बलवान आहे. यावेळी मुंबई महापालिकेवर आपलीच सत्ता येणार आहे. हे मी फक्त टाळ्या-शिट्ट्या मिळवण्यासाठी बोलत नाहीये. जुन्या-जाणत्या कार्यकर्ते पदाधिकाऱ्यांना सोबत घ्या, पक्षापासून दुरावले आहेत, त्यांना एकत्र करा आणि तयारीला लागा, असंही राज ठाकरे म्हणाल्याची माहिती आहे.
Uddhav Thackeray : शाहांच्या भेटीनंतर दिल्लीहून परतताच शिंदेंचा ठाकरेंना मोठा दणका, रात्री साडेअकरा वाजता भव्य पक्षप्रवेश

मराठीच्या मुद्द्यावर काय म्हणाले?

मराठीच्या मुद्द्यावरुन राज ठाकरे यांनी मनसे पदाधिकाऱ्यांना काही महत्त्वाच्या सूचना केल्या आहेत. विनाकारण कोणालाही मारु नका, आधी समजावून सांगा, मराठी भाषेत बोलायला, शिकायला तयार असेल, तर त्याला शिकवा. उर्मटपणे बोलत नसेल तर अजिबात वाद घालू नका, पण उर्मट बोलत असेल, तर त्यानुसार पुढची भूमिका घ्या, असं राज ठाकरेंनी सांगितलं. विशेष म्हणजे या घटेनाचा व्हिडिओ काढू नका, कुणी पाठवल्यास तो कुठेही शेअर किंवा व्हायरल करायचा नाही, हे अधोरेखित केलं.