पोलिसांनी दिलेल्या माहितीनुसार, यशराज तुकाराम गांगुर्डे (वय १६, रा. सातपूर) असे मृत विद्यार्थ्याचे नाव आहे. तो अशोकनगर येथील हिरे गार्डनजवळील खासगी क्लासेसमध्ये दहावीचे शिक्षण घेत होता. सायंकाळी पाचला क्लास सुटल्यानंतर परिसरात यशराज व त्याचे मित्र गप्पा मारत असताना किरकोळ वाद झाल्याचे प्रत्यक्षदर्शींनी सांगितले. तेव्हा यशराज अचानक चक्कर येऊन कोसळल्याचा दावा क्लासेसच्या शिक्षकांनी केला.
Devendra Fadnavis: तुम्हालाही अटक होऊ शकते, पण…; CM देवेंद्र फडणवीसांचं राज ठाकरेंना प्रत्युत्तर
तो कोसळल्यानंतर तातडीने त्याला जिल्हा शासकीय रुग्णालयात हलवण्यात आले. रात्री उशिराने त्याला तपासून मृत घोषित करण्यात आले. या प्रकरणी सातपूर पोलिस ठाण्यात आकस्मिक मृत्यूची नोंद करण्यात आली आहे. शवविच्छेदन अहवाल आल्यानंतर यशराजच्या मृत्यूचे नेमके कारण उघड होणार आहे.
Sanjay Shirsat: सरकारचा पैसा आहे, आपल्या बापाचं काय जातंय? संजय शिरसाटांचं पुन्हा वादग्रस्त वक्तव्य
आश्रमशाळेतील दोन मुलींचा मृत्यू
दिंडोरी : येथे दोन घटनांत आश्रमशाळांतील दोन मुलींचा मृत्यू झाला. गांडोळे येथील शासकीय आश्रमशाळेत शिकणाऱ्या नववीच्या विद्यार्थिनीचा शाळेची प्रार्थना सुरू असताना चक्कर येऊन मृत्यू झाल्याची घटना घडली आहे. गेल्याच महिन्यात प्रवेश घेतलेली विद्यार्थिनी माया संदीप भोये (वय १५, रा. टेंटमाळ) ही प्रार्थना सुरू असताना अचानक चक्कर येऊन पडली. तिला शिक्षकांनी तातडीने ननाशी प्राथमिक आरोग्य केंद्रात उपचारसाठी आणले, मात्र तेथे डॉक्टरांनी तिला मृत घोषित केले. दुसरी घटना वारे येथील शामलाताई बिडकर आश्रमशाळेत घडली. चौथीत शिकत असलेली दहा वर्षीय गायत्री विलास गायकवाड (रा. देवपाडा, करंजाळी) हिच्या पोटात दुखत असल्याने उपचारांदरम्याने तिचा मृत्यू झाला.