याबाबत सविस्तर माहिती अशी की, ठाणे जिल्ह्यातील भिवंडी येथील महाराष्ट्र राज्य परिवहन महामंडळाच्या आगारात कार्यरत असणारे चालक सिध्देश्वर विश्वनाथ भैरट
हा त्याच्या ताब्यातील बस क्रमांक एम.एच २० बी.एल ३६२० ही घेऊन रायगड जिल्ह्यातील श्रीवर्धन येथून मुंबईच्या दिशेने जात होती. सदर बस वरील चालक सिध्देश्वर विश्वनाथ भैरट हा बस घेऊन आज दिनांक २९ जुलै २०२५ सायंकाळी चार वाजून चाळीस मिनिटाच्या सुमारास मुंबई गोवा राष्ट्रीय महामार्गावरील माणगाव तालुक्यातील रातवड गावच्या हदीत आला . त्यावेळी समोरून जाणा-या ट्रकला भरधाव वेगात रस्त्याच्या परिस्थितीकडे दुर्लक्ष कडून हयगयीने बेदरकारपणे डाव्याबाजूने ओव्हरटेक करीत असताना बस चालक सिद्धेश्वर यांचे बसवरील नियंत्रण सुटल्याने ताब्यात असणारी बस ही कच्या रस्त्यावर जाऊन डाव्या बाजूला पलटी झाली.

या अपघातात माया सुनिल जाधव (वय ५५, रा. डोंबिवली, मूळ रा. कालिंदे-तळा),रोहित कुमार रामनाथ पांडे ((वय 30, सध्या रा. कृष्णानगर-रोहा, मुळ रा. बिहार),बस चालक सिध्देश्वर विश्वनाथ भैरट(वय ४१वर्षे, राहणार – येवता,तालुका – केज जिल्हा – बीड , सध्या राहणार – वडघर भिवंडी, ठाणे),मयुरेश महेश जाधव (वय 3, रा. गारभट आदिवासी वाडी, ता. रोहा),निकिता जितेंद्र पवार (वय 30 वर्ष, रा. वडाला, मुंबई, मुळ चोचीदे-महाड),जितेंद्र, संजय पवार (वय 35, रा. वडाला, मुंबई, मुळ चोचीदे-महाड), जिनल जितेंद्र पवार, (वय ९, रा. वडाला, मुंबई, मुळ चोचीदे-महाड) जखमी झाले.

या अपघाताची माहीत मिळताच माणगांव पोलिस ठाण्याचे पोलिस निरिक्षक निवृत्ती बोराडे,पोलिस उप निरीक्षक नरेंद्र बेलदार तसेच पोलिस कर्मचारी यांनी तत्काळ धाव घेऊन जखमी प्रवाशाना माणगांव उपजिल्हा रूग्णालयात दाखल केले त्याच्या वर उपचार चालू आहे. माणगाव उप विभागीय पोलिस अधिकारी पुष्कराज सूर्यवंशी यांनी रुग्णालयात जाऊन जखमी प्रवाशी यांची विचारपूस केली.या अपघाताची फिर्याद महेश मारुती जाधव( वय २४ वर्षे व्यवसाय- मजुरी रा. गारभाट आदीवासी वाडी पो. गारभाट ता. रोहा जि. रायगड) यांनी बस चालक सिद्धेश्वर विश्वनाथ भैरट यांच्या विरोधात दिली असून रात्री उशिरा या अपघाताची नोंद माणगाव पोलीस ठाण्यात करण्यात आली आहे.