डंपरच्या चाकाखाली येत बाप-लेकींचा दुर्दैवी मृत्यू

रविवारी सकाळी ११ वाजून ३० मिनिटांच्या सुमारास हा अपघात झाला. भर रस्त्यावर डंपरच्या चाकाखाली दुचाकी येत अपघात झाला. दुचाकी क्रमांक (एम एच १६ सी ए ०२१२) डंपरखाली चिरडली गेली. अपघातात ओंकार आचार्य (सणसर, तालुका इंदापूर, सध्या रा. मोरगाव रोड, बारामती) यांचा जागीच मृत्यू झाला.
Beed News : तोंडावर स्प्रे मारुन अपहरण, नंतर शेतात नेत दोरीने बांधलं; अल्पवयीन मुलीसोबत काय घडलं? बीडमध्ये खळबळ
ओंकार यांच्या दुचाकीवर त्यांच्या दोन मुली होत्या. मधुरा (वय ४) आणि सई (वय १०) या दोघीही गंभीर जखमी झाल्या. दोघींना उपचारासाठी दवाखान्यात दाखल केलं जाणार होतं. पण दवाखान्यात पोहोचण्यापूर्वीच दोन चिमुकल्यांचाही मृत्यू झाला.
Solapur News : मला अजून पोलीस का घेऊन जात नाहीत? रस्त्यात शेतकरी पुटपुटत होता, नंतर उघड झाली भयंकर घटना

एकाच कुटुंबातील तिघांचा मृत्यू

एकाच कुटुंबातील तिघांचा मृत्यू झाल्याने बारामतीत हळहळ व्यक्त होत आहे. डंपरला गाडी धडकून दुचाकी चाकाखाली गेल्याने तिघेही चेंगरले गेले, अशी माहिती प्रत्यक्षदर्शींनी दिली. या घटनेमुळे संपूर्ण परिसरात शोककळा पसरली आहे.या अपघाताचं कारण अद्याप समजू शकलेलं नाही, याप्रकरणी पोलीस तपास करत आहे. डंपर चालकास पोलिसांनी ताब्यात घेतलं आहे. बारामती शहरातील खंडोबानगर येथे सकाळी साडेअकराच्या सुमारास अपघात झाल्यानंतर तेथे मोठी गर्दी झाली होती. पोलिसांनी तातडीने घटनास्थळी धाव घेत मृतदेह उत्तरीय तपासणीसाठी बारामती सिल्व्हर ज्युबिली रुग्णालयात पाठवले आहेत.

दरम्यान, अवजड वाहनांच्या अपघातांचे प्रमाण वाढलं असून यामध्ये अनेक निष्पाप नागरिकांना आपला जीव गमवावा लागला आहे. प्रशासनाने अशा अवजड आणि भरधाव वेगाने धावणाऱ्या वाहनांवर अंकुश ठेवून कडक कारवाई करण्याची आवश्यकता असल्याची मागणी नागरिकांमधून केली जात आहे.