गिरीश महाजन म्हणाले, एकनाथ खडसेंना माहिती झालं असेल की आपले जावई काय करतात, आता त्यांना अंदाज आला असेल. एकनाथ खडसे कायम विरोधात असतात, ते सहन करतच नाही. खरंच आहे एकनाथ खडसे कोणती गोष्ट सहन करत नाही, असा मिश्किल टोला मंत्री गिरीश महाजन यांनी खडसेंना लगावला आहे.
Supriya Sule : सुप्रिया सुळे रोहिणी खडसेंच्या बाजूने बोलल्या, ससून रुग्णलयाच्या रिपोर्टबाबतही केला मोठा दावा
तर गिरीश महाजनांनी खडसेंना उद्देशून पुढे म्हटले की, त्यांनी मागणी केलीय नार्को टेस्टची मग करा ना, लोढांचीही करा आणि माझी पण करा. यांच्या वारंवार खोटं बोलण्याला अर्थ नाही. दोघांचीही नार्को टेस्ट करुन टाका.

रेव्ह पार्टी प्रकरणात पोलीस तपास करत आहे पार्टीच्या त्या स्पॉटवर कोकेन, गांजा, हुक्का वगैरे सगळं दिसत आहेत. पुरावे आहेत, या उपर कोणाला शंका असेल तर पोलीस सखोल तपास करतील, असेही गिरीश महाजनांनी नमूद केले आहे.

एकनाथ खडसेंनी माझ्या संपत्तीबाबत माहिती काढावी मुंबई पुण्यात कुठे माझी संपत्ती आहे. आज ऑनलाईन सर्व मिळतं, मी त्यांना सर्व उतारे काढून देतो. पाच वेळा काय दहा वेळा माझ्या संपत्तीची चौकशी करावी. एकनाथ खडसेंच्या संपत्तीची चौकशी केल्यानंतर आपल्याला माहितीच असेल काय झाला आहे खडसे हा विषय मी सोडून दिलेला आहे.