नेमकं काय घडलं?

लग्नाचे आमिष दाखवून २० वर्षीय तरुणीवर शेगाव येथील एका गेस्ट हाऊसमध्ये अत्याचार केला. या प्रकरणी जळगाव जामोद तालुक्यातील पिंपळगाव काळे येथील राजू भोनाजी अवचार (वय वर्ष २८) तरुणाविरुद्ध शेगाव शहर पोलीस ठाण्यात २४ जुलै रोजी रात्री ८:३० वाजता गुन्हा दाखल करण्यात आला आहे.
Buldhana News : आई गंsss! पांघरुणात कोब्रा शिरला अन् भयंकर घडलं, माऊलीचा तडफडून मृत्यू
पीडित तरुणीने दाखल केलेल्या तक्रारीत महटले आहे की, राजू अवचार याने तिला लग्नाचे आमिष दाखवत विश्वास संपादन केला. १९ जून रोजी त्याने तिला शेगाव येथील एका गेस्ट हाऊन्स मध्ये नेऊन शारीरिक संबंध प्रस्थापित केले. पीडितेच्या फिर्यादीवरून शेगाव शहर पोलिस ठाण्यात आरोपीविरुद्ध गुन्हा दाखल करण्यात आला आहे. हा गुन्हा जळगाव जामोद पोलीस ठाण्यात नोंदविण्यात आला होता; मात्र तो पुढे शेगाव शहर पोलीस ठाण्यात वर्ग करण्यात आला आहे. पुढील तपास पोलीस उपनिरीक्षक बारिंग करीत आहेत.
Buldhana News : सततची नापिकी अन् कर्जबाजारीपणामुळे शेतकरी दाम्पत्य हवालदिल, शेतातच आयुष्याची दोर कापली; पंचक्रोशीत हळहळ

गेस्ट हाऊस मध्ये रूम मिळण्यावर प्रश्नचिन्ह..!

अनेक वेळा शेगावात अनेक खाजगी रेस्ट हाऊस वर पोलिसांनी छापे टाकून त्यांना ताकीद देखील दिली आहे. तरी देखील अशा घटना वारंवार का समोर येतात यावर देखील एक प्रश्नचिन्हच उभा राहतं .कारण राज्यातून अनेक गर्दीचे लोट शेगावात येतात आणि त्याच शेगावमध्ये अशा प्रकारच्या घटना वारंवार समोर येत असतील तर पोलीस प्रशासनाला देखील एक मोठे आव्हान आहे.

लॉज मालकांनी नियम अटींचे पालन करावे

शहरातील लॉज मालकांनी नियम अटींचे पालन करून लॉजमध्ये राहायला येणाऱ्यांना खोल्या द्याव्यात जेणेकरून अशा कारवाईला सामोरे जावे लागणार नाही. अशी पोलीस प्रशासनाच्या वतीने वेळोवेळी सूचना दिल्या जातात. प्रत्येक खाजगी लॉज हॉटेलवर सीसीटीव्ही फुटेज आवश्यक आहे. तसेच येणाऱ्या जाणाऱ्याची कसून चौकशी व माहिती ठेवणे देखील बंधनकारक आहे.