वृत्तानुसार, मुंबई पुणे एक्सप्रेसवेवर आज दुपारी एका ट्रेलरचा ब्रेक फेल झाला. त्यामुळे ट्रेलरची १५ ते २० गाडयांना जोरदार धडक बसली. यामुळे भीषण अपघात घडला. यात एका महिलेचा मृत्यू झाला आहे. मुंबई-पुणे एक्सप्रेसवेवरून कंटेनर पुण्याहून मुंबईकडे जाताना तो बोरघाटात आला असता त्याचे ब्रेक फेल झाले. ज्यामुळे कार, बस, ट्रक यांना धडक बसून थरारक अपघात घडला.
Lonavala News :मुंबई-पुणे एक्स्प्रेसवेवर एसटी बसचा भीषण अपघात; चालकाचा जागीच मृत्यू, नऊ प्रवासी जखमी
धक्कादायक म्हणजे, ट्रक चालक हा बेफानपणे समोर येईल त्या गाडीला धडक देत वेगात जात होता. घटनेची माहिती मिळताच बोरघाट वाहतूक पोलीस महामार्गावर दाखल झाले. त्यांनी अत्यंत शिताफीने ट्रक चालकाला पकडले आहे. या अपघाताची माहिती मिळताच खोपोली पोलीस, बोरघाट पोलीस, आयआरबी टीमने तात्काळ घटनास्थळी दाखल होत अपघातग्रस्त गाड्यांमध्ये अडकलेल्या प्रवाशांना बाहेर काढले.

जखमींना पुढील उपचारासाठी एमजीएम रुग्णालयात तर काहींना खोपोली नगरपालिकेच्या रुग्णालयात दाखल करण्यात आले आहे. या घटनेचा पुढील तपास खोपोली पोलीस करीत आहेत.

दरम्यान, मुंबई-पुणे एक्स्प्रेसवेवरील अपघातांचे सत्र सुरुच आहे. काहीच दिवसांपूर्वी खंडाळा घाटात एसटी बस चालकाचे नियंत्रण सुटल्याने भीषण अपघात घडला होता. कंटेनरला बसची मागून धडक बसल्याने भीषण अपघात घडला. बारामतीहून मुंबईला निघालेल्या बसला कुणे पुलाजवळ हा अपघात झाला. यामध्ये बस चालकाचा जागीच मृत्यू झाला. तर बसमधी ९ प्रवासी जखमी झाले होते आणि तिघांची प्रकृती गंभीर होती.