तुळजा भवानीच्या मंदिरातील विकास कामं करताना तुळजा भवानीच्या गर्भगृहातील टाईल्स काढले. त्यावेळी शिळांना तडे गेल्याचं आढळून आलं होतं. दुर्घटना होऊ नये म्हणून मंदिर प्रशासनाने तडे गेलेल्या शिळांना लोखंडी खाबांचा आधार दिला. तुळजा भवानी मंदिर प्रशासनाने या बाबत राज्य पुरातत्व विभागाला या संदर्भात पाहणी करुन अहवाल देण्याचं सुचित केलं. त्यानंतर एएसआय दिल्ली यांना देखील पाहणी करुन अहवाल देण्याचं सुचित केलं होतं. आता नवीन गाभारा बांधण्याबाबत मंत्रालयात बैठक घेऊन निर्णय घेतला जाणार आहे.
Dharashiv News : तुळजाभवानी मंदिर परिसरात थुंकणे पुजाऱ्यांना भोवले; मोठी कारवाई होण्याची शक्यता
तुळजा भवानी मंदिरातील नवीन गर्भगृह आणि शिखर पाडण्याचा जो घाट घातला आहे, तो अत्यंत चुकीचा असून धर्मशास्रामध्ये, हिंदू धर्मामध्ये मंदिर ही केवळ इमारत नाही किंवा वास्तु नाही. मंदिर म्हणजे देवीचं घर आहे. हे श्रद्धेचं ठिकाण मंदिर संस्थान पुरातत्व विभागाला हाताशी धरुन पाडण्याचा घाट घालत आहे. यामध्ये पुरातत्व विभागाची भूमिकाच भोपे पुजाऱ्यांना संशयास्पद वाटतं आहे. कारण मंदिरातील गर्भगृह आणि शिखर पाडण्यापूर्वी पुरातत्व विभागाच्या अहवालावर चर्चा होणं अपेक्षित असतं. दुरुस्तीबाबत कुठलीही भूमिका मंदिर संस्थानने घेतलेली नाही. सुरुवातीपासून गर्भगृह आणि शिखर पाडून नव्याने बांधण्यात का येऊ नये, ही भूमिका मंदिर संस्थानने घेतलेली आहे.
Tuljapur News: तुळजाभवानी मातेच्या भक्तांसाठी मोठी बातमी; मंदिरात नवी नियमावली; कोणाला मिळणार मोफत दर्शन?
मंदिर १२व्या शतकातील आहे. हे मंदिर जतन आणि संवर्धन करण्याचं काम मंदिर संस्थानचं आहे. मंदिर पाडण्याचा घाट आणि पैशाचा अपव्यय हा कोणाचा हेतू आहे हे कळणं आहे, अन्यथा भोपे पुजारी मंडळ न्यायालयीन मार्ग अवलंबेल, असा इशारा भोपे पुजारी मंडळाचे अध्यक्ष अमर कदम परमेश्वर यांनी दिलाय. या बाबत सर्व पुजारी मंडळाचे अध्यक्ष, महंत, पुजारी आणि संस्थानची बैठक झाली आहे. एएसआय यांचा अहवाल पुरातत्व विभागाला प्राप्त झाला असून लवकरात लवकर हा अहवाल शासनाला पाठवून याबाबत मुंबईमध्ये उच्चस्तरीय बैठक होणार असून निर्णय घेतला जाईल, असं सांगण्यात आलं आहे.

‘शिखर पुन्हा एकदा करणं गरजेचं’

राज्य पुरातत्व विभागाचं स्पष्ट मत आहे, की शिखर काढून परत एकदा करणं गरजेचं आहे. एएसआयचे तीन अहवाल आहेत. शेवटचा अहवाल अपेक्षित आहे. एएसआयला आम्ही म्हटलंय की तात्पुरती डागडुजी सुचवू नका. अंतिम व्यवस्थित कायमस्वरुपी तोडगा सुचवा. आतमध्ये लोखंडी टेकण आहे ते तात्पुरते आहे. सुरक्षेच्या दृष्टीने अयोग्य आहे. एएसआयचा अंतिम अहवाल या आठवडयात मागवणार आहोत. अहवाल आला की, त्यानंतर पुरातत्व खात्याचे अधिकारी खात्याचे मंत्री अशिष शेलार यांच्याकडे बैठक घेऊन या बाबतीत मुख्यमंत्री आणि दोन्ही उपमुख्यमंत्री यांच्या माध्यमातून अंतिम निर्णय घेतला जाईल, असं आमदार, विश्वस्थ राणाजगजितसिंह पाटील यांनी म्हटलंय. दरम्यान, तुळजा भवानी मंदिरातील शिखर आणि गर्भगृह या बाबत प्रशासन स्तरावर निर्णय होण्यापूर्वीच नवीन वादाला तोंड फुटलं आहे.