छत्रपती संभाजीनगरमध्ये अभिषेक रामफल कैवत्य (वय १९) रा. मूळ छत्तीसगड असे आरोपीचे नाव आहे. या प्रकरणी अधिक माहिती अशी की, ३२ वर्षीय विवाहित महिलेच्या मैत्रिणीला प्लॉट खरेदी करायचा होता. यामुळे ती कुटुंबासह गोळेवाडी परिसरात प्लॉट पाहण्यासाठी गेले. प्लॉट बघत असताना कुटुंबातील सर्व सदस्य रस्त्यावर उभे होते. याच वेळी दोन तरुण आरडा ओरड करत त्या ठिकाणाहून जात होते. यातील एका तरुणाने विवाहितेच्या पाठीमागून जात विनयभंग केला.
Chhatrapati Sambhajinagar : तासाभरात येतो म्हणून रविवारी पत्नीला फोन, सोमवारी पुलाखाली बॉडी सापडली, प्रख्यात उद्योजकासोबत नेमकं काय घडलं?
या घटनेनंतर महिलेने आरडाओरड केला. घटनेचे गांभीर्य लक्षात घेत स्थानिकांनी घटनास्थळी धाव घेतली. तरुणाने महिलेची छेड काढल्याचे लक्षात आल्यानंतर स्थानिकांनी विनयभंग करणाऱ्या विकृत तरुणाला चांगलाच चोप दिला. काही लोकांनी या घटनेचा व्हिडिओ मोबाईलमध्ये रेकॉर्डही केला. घटनेची माहिती मिळताच पोलीस घटनास्थळी दाखल झाले. पोलिसांनी जमावाच्या तावडीतून आरोपीची सुटका केली आणि त्याला ताब्यात घेतले.
Bike Accident : बदलीनंतर कुटुंबासह नव्या शहरात, पण रात्रीच्या वेळी घात झाला, BSNL कर्मचाऱ्याचा चटका लावणारा अंत
पोलिसांनी विचारपूस केली असता विनयभंग करणारा अभिषेक हा मोर्चा, छत्तीसगड येथील रहिवासी असून तो गेल्या काही दिवसांपासून छत्रपती संभाजीनगर शहरात राहणाऱ्या मावशीकडे राहतो. तो मोलमजुरी करून उपजीविका भागवतो. याप्रकरणी पोलिसांनी गुन्हा दाखल केला असून, या प्रकरणाचा सखोल तपास सुरू आहे. पोलीस आरोपीविरुद्ध कठोर कारवाई करणार असल्याचे सांगण्यात आले आहे.