गुन्हे शाखा युनिट एक आणि अंबड पोलिसांनी संयुक्तरित्या अमृतधाम परिसरातील खैरेमळ्यात धाड टाकली. त्यावेळी माईशा हबीब शेख (वय २२), निशान मिहीर शेख (२१), झुमूर हसन शेख (३३) व रिहाना जलील गाझी (३०, सर्व रा. बांगलादेश) या चार महिलांसह नवजीत भवन दास (३८, रा. अमृतधाम) या संशयितांना ताब्यात घेतले. नवजीत याने चारही महिलांना खोलीत वास्तव्यास परवानगी दिली. यासह संशयित जगदीश मिस्तरी (रा. सुरत) व दोन बांगलादेशी व्यक्तींनी चौघींना नाशिकमध्ये पोहोचविल्याचे तपासात समोर येत आहे.
Nashik Crime News: बांगलादेशी घुसखोरांची संख्या वाढल्याची शंका, आता पर्यंत 13 जण ताब्यात
दरम्यान, बांगलादेश सीमेवरील मुलकी अधिकाऱ्याच्या लेखी परवानगीशिवाय ‘डंकी रूट’ने चारही महिलांना भारतात आणले गेले. या महिला पिरोपूर, पिरतपूर, जोशी व चंडिपूर या बांगलादेशातील जिल्ह्यातील आहेत. चार महिलांसह दोन पुरुष संशयितांविरुद्ध अवैधरित्या भारतात प्रवेश करून वास्तव्य करण्यासह विविध कलमान्वये पोलिसांनी गुन्हा दाखल केला.

पुणे येथे सुद्धा घडली अशीच एक घटना. एका अज्ञात टीपच्या आधारे 18 जुलैपासून फरासखाना पोलिस ठाणे आणि मानव तस्करीविरोधी विभागाच्या (AHTU) वरिष्ठ अधिकाऱ्यांनी बुधवार पेठेतील वेश्या व्यवसायाच्या भागात विशेष कारवाई केली. अटक केलेल्या महिलांकडे वैध ओळखपत्रे किंवा कागदपत्रे नसल्याचे आढळून आले असून त्या बेकायदेशीररित्या भारतात राहत होत्या.

पुणे शहर पोलिसांनी बुधवार पेठेतील वेश्या व्यवसाय चालणाऱ्या भागातून पाच बांगलादेशी महिलांना अटक केली. या कारवाईत त्यांना भारतात बेकायदेशीरपणे आणणारे आणि त्यांचा इथे थांबा व्यवस्थीत करणारे काही दलालही उघडकीस आले. पोलिसांनी या प्रकरणात पासपोर्ट कायदा, इमिग्रेशन कायदा आणि मानव तस्करीविरोधी कायद्यांतर्गत गुन्हे दाखल केले आहेत.

प्राथमिक तपासात उघड झाले की, त्या महिला बांगलादेशातून बेकायदेशीररित्या भारतात आल्या होत्या. त्यांनी स्वतःला पश्चिम बंगालमधील रहिवासी असल्याचे भासवले आणि नंतर पुण्यात येऊन वेश्या व्यवसायात गुंतल्या.