“मी तासाभरात येतो”

सागर रामभाऊ परळकर वाळूज MIDC मध्ये पार्टनरशिपमध्ये पुष्पक ऍग्रो कंपनीत संचालक होते. मूळचे पैठण येथील असलेले सागर परळकर हे त्यांच्या आई, पत्नी आणि दोन मुलांसोबत कांचनवाडीत राहायचे. पोलिसांनी दिलेल्या माहितीनुसार, ते रविवारी दुचाकीवरून कन्नडला गेले होते. रात्री 9 च्या सुमारास त्यांनी पत्नीला फोन केला. “मी तासाभरात येतो,” असं ते पत्नीला म्हणाले होते.आजही अंगावर शहारे येतात…ब्लास्ट झाला, पाय गुडघ्यापासून निखळला, साखळी बॉम्बस्फोटात वाचलेल्या व्यक्तीचा भयंकर अनुभव

घटनास्थळाजवळ एका ट्रकची नंबर प्लेट सापडली

सोमवारी सायंकाळी करोडी टोलनाक्याजवळ पुलाखाली एक मृतदेह असल्याची माहिती पोलिसांना मिळाली. दौलताबाद पोलिसांनी घटनास्थळी धाव घेतली. यावेळी पोलीस निरीक्षक रेखा लोंढे या अधिकारी कर्मचाऱ्यांसह घटनास्थळी दाखल झाल्या. तिथे त्यांना सागर यांचा मृतदेह आणि त्यांची दुचाकी सापडली. मृतदेहाच्या शेजारी असलेल्या मोबाईल व आधार कार्ड वरून सागर परळकर यांची ओळख पटली. पोलिसांना घटनास्थळाजवळ एका ट्रकची नंबर प्लेट (TS 15 UE 6934) देखील सापडली आहे. पोलिसांनी ट्रक चालकाला चौकशीसाठी बोलावले आहे. पोलीस निरीक्षक रेखा लोंढे या प्रकरणाचा तपास करत आहेत.Pune Crime : कोंढव्यातील केस उलट फिरली, ‘मी पुन्हा येईन’चा एडिटेड सेल्फी दाखवला, तक्रारदार तरुणीवरच गुन्हा आणखी एका घटनेत, अमरावती येथून बदली होऊन नुकताच छत्रपती संभाजीनगर शहरात स्थायिक झालेला, बीएसएनएल कंपनीतील लिपिकाचा अपघातात मृत्यू झाला. भरधाव वाहनाने दिलेल्या धडकेत तरुणाला प्राण गमवावे लागले. ही घटना नगर नाका येथे सोमवारी रात्री 11 वाजेच्या सुमारास उघडकीस आली. या घटनेमुळे तरुणाच्या कुटुंबावर दुःखाचा डोंगर कोसळला आहे. मुकेश चंद्रभान शिंगाडे असे अपघातात मयत झालेल्या बीएसएनएलच्या कर्मचाऱ्याचे नाव आहे. या प्रकरणी स्थानिकांनी दिलेल्या माहितीनुसार, मुकेश शिंगाडे हे मूळचे अमरावती येथील आहेत.