नवं वर्ष सरकारी अधिकाऱ्यांसाठी आनंदाचं वर्ष असणार आहे. केंद्रीय राज्यमंत्री पंकज चौधरी यांनी नव्या वर्षात ८ वा वेतन स्थापित करण्याविषयी माहिती दिलीये. खासदार टी.आर. बालू आणि आनंद भदौरिया यांनी आठव्या वेतन आयोगाबद्दल विचारलेल्या प्रश्नाच्या उत्तरात चौधरी यांनी सांगितले की, संरक्षण मंत्रालय, गृह मंत्रालय, कार्मिक आणि प्रशिक्षण विभाग आणि अनेक राज्य सरकारांकडून सूचना मागवण्यात आल्या आहेत. ८ व्या वेतन आयोगामुळे सरकारी कर्माचारी मालामाल होणार जरी असले तरीही केंद्र सरकारच्या तिजोरीवर मोठा अर्थिक ताण येणार आहे. वेतन आयोग म्हणजे नेमकं काय, सरकारी कर्मचाऱ्यांना त्याच किती आणि कसा फायदा होईल याविषयी अधिक माहिती देत आहेत, महाराष्ट्र टाइम्सचे वरिष्ठ वाणिज्य पत्रकार वैभव वझे.