Ramdas Kadam Savali Bar: कांदिवली येथील बारचा परवाना पत्नीच्या नावावर नसून तिथे डान्सबार नव्हे, तर तेथे ‘लेडिज सर्व्हिस’ सुरू होती अशी कबुली शिवसेना नेते रामदास कदम यांनी शनिवारी दिली.
कांदिवली येथील बारचा परवाना पत्नीच्या नावावर नसून तिथे डान्सबार नव्हे, तर तेथे ‘लेडिज सर्व्हिस’ सुरू होती अशी कबुली शिवसेना नेते रामदास कदम यांनी शनिवारी दिली.
शेतकरी कर्जमाफीचे आश्वासन पूर्ण करणार पण…; मुख्यमंत्री देवेंद्र फडणवीसांचं मोठं वक्तव्य
राज्यमंत्री योगेश कदम यांच्यावर आमदार अनिल परब यांनी शुक्रवारी विधान परिषदेत गंभीर आरोप करून त्यांच्या राजीनाम्याची मागणी केली होती. कदम यांच्या मातोश्रींच्या नावावर कांदिवलीतील एका बारचा परवाना असून, तिथे डान्सबार सुरू असल्याचा आरोप त्यांनी केला होता.
कदम यांचे कार्यकर्ते जगबुडी आणि म्हाप्रळ नदीतून अनधिकृत वाळू उपसा करतात; तसेच कांदिवलीत असलेला सावली बारचा परवाना त्यांच्या मातोश्री ज्योती कदम यांच्या नावावर असून, तिथे डान्सबार सुरू असल्याने तिथे मुंबई पोलिसांच्या गुन्हे शाखेने कारवाई केली, असे परब यांनी म्हटले होते. यावर प्रतिक्रिया देऊन शिवसेनेचे राज्यमंत्री योगेश कदम यांचे वडील रामदास कदम यांनी परब यांच्यावर टीका केली. परब हे अर्धवट वकील आहेत. मालकाला खूश करण्यासाठी रामदास कदमला बदनाम करण्याचा प्रयत्न सुरू आहे. विधिमंडळांचे कामकाज नियमाने चालते, परंतु परब यांनी सभागृहात चुकीची माहिती दिली, असे ते म्हणाले.
Pune Crime: इंजिनिअरिंगचा ‘टॉपर’ निघाला चोर; पुण्यात दागिने चोरुन कर्नाटकला पळालेला, ‘असा’ अडकला जाळ्यात
‘सभापतींना पत्र देणार’
मी सभापतींना पत्र देऊन चुकीचे नियम दाखवून एखाद्या राज्यमंत्र्याला बदनाम करता येते का, अशी विचारणा करून परब यांच्यावर कारवाईची मागणी करणार असल्याचेही कदम म्हणाले.
‘पायही ठेवला नाही’
सावली बारचा परवाना १९९० पासून माझ्या पत्नीच्या नावे आहे. व्यवसाय करण्यासाठी कुणाची अडचण नाही. तो बार शेट्टी नावाच्या व्यक्तीला ३० वर्षांपासून चालवायला दिला आहे. या ३० वर्षांत आम्ही तिथे पायही ठेवला नाही. परंतु माझ्या माहितीप्रमाणे तिथे ‘लेडिज सर्व्हिस’च चालत असून, १४ महिलांसाठी परवानगीही आहे, परंतु तो डान्सबार नाही, असे स्पष्टीकरण कदम यांनी दिले.
Ganeshotsav 2025: गणेशोत्सवात सरकारही सहभागी; राज्य महोत्सवाच्या निमित्ताने सरकारकडून विविध घोषणा
‘लायसन्स रद्द केले’
‘आमदार परब आम्ही डान्सबार चालवतो असे सांगून आमची बदनामी करण्याचा प्रयत्न केला. पोलिसांनी पाहणी केली तेव्हा एका ग्राहकाने लेडिज वेटरवर पैशाची उधळण केल्याचे कळले. म्हणून आम्ही ताबडतोब शेट्टीला बाहेर काढले. त्याच्यावर कारवाई केली. मुलींचे वेटरचे लायसन्स रद्द केले. आर्केस्ट्राचे लायसन्स होते तेही रद्द केले आणि गेल्या दोन महिन्यांपासून ते हॉटेलही बंद केले. घाणेरड्या डान्सबारचे पैसे आम्ही घेत नाही,’ असेही कदम म्हणाले.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा