पाहता पाहता 21 नाग पिल्ले आढळली

रामटेक वनपरिक्षेत्रातील चाचेर गावात नितेश ठोसरे यांच्या शेतात ही घटना घडली. त्यांच्या शेतातील झोपडीत औषधांच्या पोत्याखाली साप दिसला. त्यांनी तातडीने सर्पमित्रांना बोलावले. वाईल्ड कॅलेंडरच्या सदस्यांनी सापाला पकडले. तेव्हा त्यांना आणखी एक साप दिसला. पाहता पाहता तिथे 21 नाग पिल्ले आढळून आली. या घटनेची माहिती तात्काळ रामटेक वन विभागाला देण्यात आली. वन विभागाने पंचनामा केला. नागिणीच्या जोडीसह 21 पिल्लांना सुरक्षितपणे पकडण्यात आले. त्यांना जंगलात सोडण्यात आले.गुरं पलीकडे अडकली, तरुण आणायला आणि पाण्याच्या प्रवाहात भयंकर घडलं, घरचा कर्ता गेला, कुटुंबाचा आक्रोश पावसाळ्यात साप आणि इतर सरपटणारे प्राणी सुरक्षित जागा शोधतात. ते मोकळ्या जागा, झोपड्या किंवा पिकांच्या भागात लपतात. त्यामुळे शेतात काम करताना शेतकऱ्यांनी अधिक काळजी घेणे गरजेचे आहे. “शेतात काम करतांना सावधान, पावसाळा सुरू असून शेतात साप निघण्याची शक्यता जास्त असते. त्यामुळे काम करताना खबरदारी घेण्याची गरज निर्माण झाली आहे,” असे वन विभागाने सांगितले.

दैव बलवत्तर! एका खड्ड्यात पडला, दुसऱ्या खड्ड्यातून बाहेर आला; नागपुरातील 9 वर्षीय चिंतेशची संकटाला फाईट राज्यात मान्सूनने चांगलाच जोर पकडला आहे. पावसाळ्यात जसं सरपटणाऱ्या प्राण्यांपासून धोका होतो तसंच, आस्मानी संकटाचाही धोका असतो. रामटेक तालुक्यातील चारगाव शिवारात शुक्रवारी दुर्दैवी घटना घडली. वीज कोसळून दोन महिला शेतमजुरांचा जागीच मृत्यू झाला आहे. तर पाच महिला गंभीर जखमी झाल्या आहेत. शेतात रोजंदारीवर धान रोवणीचे काम सुरू असताना अचानक आकाशातील संकटामुळे दोन कुटुंबांवर दुःखाचा डोंगर कोसळला. या दुर्घटनेने परिसरात हळहळ व्यक्त केली जात आहे.प्रशासनाने या घटनेतील मृतांच्या कुटुंबियांना तातडीने आर्थिक मदत जाहीर करावी, अशी मागणीही परिसरातून होत आहे. या दुर्दैवी घटनेमुळे शितलवाडी, भोजापूर आणि चारगाव परिसरात शोककळा पसरली आहे.