Purandar Airport: भूसंपादन प्रक्रिया पुण्याच्या जिल्हाधिकाऱ्यांनी लवकरात लवकर पूर्ण करावी, अशा स्पष्ट सूचना मुख्यमंत्री फडणवीस यांनी दिल्या.
म.टा.प्रतिनिधी, मुंबई/पुणे: पुरंदर विमानतळाच्या भूसंपादनाचा तिढा सुटला असून, जमिनीसाठी चौपट मोबदला आणि विमानतळाची उभारणी सुरू असतानाच स्थानिक शेतकऱ्यांना दहा टक्के जमीन परतावा, अशा स्वरूपात भरपाई देण्याचा निर्णय घेण्यात आला आहे. याशिवाय, बाधित शेतकऱ्यांना रोजगाराच्या संधी उपलब्ध करून दिल्या जाणार आहेत. त्यासाठी नोकरी व व्यवसाय प्रशिक्षण देण्याचे निश्चित करण्यात आले आहे.
मुख्यमंत्री देवेंद्र फडणवीस यांच्या अध्यक्षतेखाली पुरंदर व शिर्डी विमानतळांची आढावा बैठक गुरुवारी झाली. यामध्ये महाराष्ट्र औद्योगिक विकास महामंडळाच्या (एमआयडीसी) २०१९ च्या पुनर्वसन धोरणानुसार पुरंदर विमानतळासाठी भूसंपादन प्रक्रिया राबविण्यावर शिक्कामोर्तब करण्यात आले. ही भूसंपादन प्रक्रिया पुण्याच्या जिल्हाधिकाऱ्यांनी लवकरात लवकर पूर्ण करावी, अशा स्पष्ट सूचना मुख्यमंत्री फडणवीस यांनी दिल्या.
Pune Crime: चक्क MBBS डॉक्टरच निघाला ड्रग तस्कर; पुण्यात १५ लाखांचा एमडी जप्त, तिघांना अटक
पुरंदर विमानतळासाठी सात गावांमधील सुमारे २ हजार ८०० एकर जमिनीची आवश्यकता आहे. यातील बऱ्याच गावांमध्ये विमानतळालाच विरोध केला जात आहे. मात्र, मध्यंतरी झालेल्या सुनावणीदरम्यान बऱ्याच शेतकऱ्यांनी भूसंपादनासाठी संमती देताना त्यासाठीचे पॅकेज लवकर जाहीर केले जावे, अशी मागणी केली होती. शेतकऱ्यांची मागणी विचारात घेऊन ‘एमआयडीसी’ कायद्यानुसारच भूसंपादन करण्याच्या प्रस्तावाला मान्यता देण्यात आली. त्यामुळे या सात गावांतील शेतकऱ्यांना आता जमिनीसाठी नुकसान भरपाईसोबतच त्यांच्या संपादित केल्या जाणाऱ्या जमिनीच्या दहा टक्के परतावा जमिनीच्या स्वरूपात मिळणार आहे. औद्योगिक/व्यावसायिक/निवासी किंवा संमिश्र प्रयोजनासाठी औद्योगिक क्षेत्रात ही जमीन त्यांना उपलब्ध करून दिली जाणार आहे.
शिक्षणाचा खेळखंडोबा! शिक्षक म्हणून चक्क सफाई कामगाराची नियुक्ती; शिक्षण राज्यमंत्र्याच्याच जिल्ह्यातील प्रकार
मुख्यमंत्री फडणवीस यांच्या अध्यक्षतेखाली झालेल्या या बैठकीला उपमुख्यमंत्री अजित पवार पवार, जलसंपदा मंत्री राधाकृष्ण विखे पाटील, परिवहन विभागाचे अपर मुख्य सचिव संजय सेठी, महाराष्ट्र औद्योगिक विकास महामंडळाचे मुख्य कार्यकारी अधिकारी पी वेलरासू, पुणे विभागीय आयुक्त डॉ. चंद्रकांत पुलकुंडवार, जिल्हाधिकारी जितेंद्र दुडी, अहिल्यानगरचे जिल्हाधिकारी डॉ. पंकज आशिया, महाराष्ट्र विमानतळ विकास प्राधिकरणाच्या उपाध्यक्षा स्वाती पांडे, मुख्य वित्त अधिकारी अनिशा गोदानी आदी उपस्थित होते.
चॉकलेटच्या बॉक्समध्ये साप, ससे अन् पोपट; पुणे विमानतळावर वन्यजीव तस्करीचा प्लॅन फसला, दोघांना अटक
या ७ गावांत भूसंपादन
वनपुरी, उदाची वाडी, एकतपूर, मुंजवडी, कुंभारवळण, पारगाव आणि खानवाडी
२,८३२ हेक्टर -पुरंदर विमानतळासाठी आवश्यक जमीन
काय फायदा होणार ?
एमआयडीसी पुनर्वसन धोरणानुसार जमीन संपादन करण्यास संमती देणाऱ्यांना प्राधान्याने चौपट मोबदला
प्रकल्पबाधितांकडून वाटाघाटीने मंजूर झालेल्या दराने जमिनीचे संपादन करण्यात येते.
प्रकल्पबाधितांना एकूण मोबदल्यापैकी १० टक्के जमीन परतावा दिला जाणार
सर्व बाधितांना आवश्यकतेनुसार रोजगाराच्या संधी उपलब्ध करून दिल्या जाणार असून नोकरी व व्यवसाय प्रशिक्षण
ST Bus: भ्रष्टाचारामागे वरिष्ठ? एसटी महाव्यवस्थापकांसह १७ अधिकारी चौकशीच्या फेऱ्यात
मोठ्या विमानांसाठी सोय करण्याची उपमुख्यमंत्र्यांची सूचना
पुरंदर विमानतळासाठी सर्वेक्षण करण्यात आले आहे. त्यामुळे आता या विमानतळासाठी लागणारी जमीन संपादित करण्यासाठी आवश्यक प्रक्रिया पुण्याच्या जिल्हाधिकाऱ्यांनी तातडीने सुरू करावी; जेणेकरून विमानतळाचे काम लवकर सुरू होईल, असे फडणवीस म्हणाले. पुरंदर विमानतळावर मोठी विमाने उतरण्यासाठी आतापासूनच आवश्यक ती काळजी घ्यावी. या विमानतळावर विमानांच्या हँगरचीही व्यवस्था असावी, अशा सूचना उपमुख्यमंत्री अजित पवार यांनी केल्या.
जिल्हाधिकाऱ्यांनी तातडीने जमीन संपादित करण्याची प्रक्रिया सुरू करावी; जेणेकरून विमानतळाचे काम लवकर सुरू होईल. हा विमानतळ कार्यान्वित झाल्यानंतर महाराष्ट्रातील विमानसेवा अधिक सक्षम होईल. -देवेंद्र फडणवीस, मुख्यमंत्री
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा