पुणे-शेगाव, पुणे-बेळगाव, पुणे-बडोदा आणि पुणे-सिकंदराबाद या नव्या वंदे भारत एक्स्प्रेस सुरु होणार आहेत. त्यामुळे पुणेकरांना महाराष्ट्रातील तसेच इतर राज्यातील विविध शहर गाठणे काही तासांतच गाठणे शक्य होणार आहे आणि प्रवाशांच्या वेळेचीही बचत होणार आहे.
मुंबई, ठाणे, नवी मुंबईत नवी व्यवस्था, फास्टॅगमधून पार्किंग शुल्क; परिवहन मंत्र्यांच्या MMRDA ला सूचना

• पुणे-शेगांव वंदे भारत या मार्गावरील एक्स्प्रेसला दौंड, अहमदनगर (अहिल्यानगर), छत्रपती संभाजीनगर आणि जालना या स्थानकांवर थांबा असणार आहे.
• पुणे-सिंकदराबाद वंदे भारत या मार्गावर दौंड, सोलापूर, गुलबर्गा या तीन स्थानकांवर थांबा असणार आहे. या मार्गावर ट्रेन सुरु झाल्यानंतर प्रवासाचा दोन ते तीन तासांचा वेळ वाचणार आहे. तर ही ट्रेन महाराष्ट्र, कर्नाटक आणि तेलंगणा या तीन राज्यांमधून धावणार असल्याने पुणेकरांचा प्रवास आणखी सुकर होणार आहे.
• पुणे-बडोदा वंदे भारत या ट्रेनला लोणावळा, पनवेल, वापी आणि सूरत या चार स्थानकांवर थांबा असणार आहे. ही एक्स्प्रेस महाराष्ट्र आणि गुजरात या राज्यातून जाणार आहे.
• पुणे-बेळगाव वंदे भारत ही पुणे जंक्शन ते बेळगाव जंक्शन या दरम्यान धावेल. या मार्गावर सातारा, सांगली आणि मिरज या तीन स्थानकांवर थांबा मिळणार असल्याची माहिती आहे.

महाराष्ट्रातील मुख्य शहर असणाऱ्या पुण्यातून वंदे भारत सुरु झाल्यास प्रवाशांसाठी येणे जाणे सुलभ होणार आहे. तसेच रेल्वे वाहतुकीतही सुसुत्रता येण्यास मदत होणार आहे. तर प्रवाशांचा वेळही २ तासांनी कमी होऊ शकणार आहे. यासोबतच आगामी काळात भारतीय रेल्वेकडून पुणे आणि नागपूर दरम्यान वंदे भारत स्लीपर ट्रेन सुरु केली जाण्याची देखील शक्यता आहे.