परळी शहरातील व्यापारी Mahadev Munde यांच्या निर्घृण खुनानंतर तब्बल 18 महिने उलटले आहेत. पण आरोपी अजूनही मोकाटच आहेत. पत्नी ज्ञानेश्वरी मुंडे गेल्या कित्येक दिवसांपासून न्यायासाठी एसपी ऑफिसच्या उंबरठ्यावर चकरा मारत आहेत. मुंडे यांच्या पत्नींनी यापूर्वी काही गंभीर आरोप केली आहेत, अजूनही आरोपी मोकाट आहेत, तर चौकशीलाही वेग नाही. शेवटी हतबल होऊन ज्ञानेश्वरी मुंडे यांनी आत्मदहनाचा इशारा दिला होता. त्या थेट एसपी ऑफिसला पोहोचल्या होत्या.
‘याचे पाय तोडा’; बीडमध्ये सरपंच महिलेच्या पतीने उपसरपंचाला भररस्त्यात बदडलं; VIDEO व्हायरलDyaneshwari Munde यांना बीड पोलिसांनी पोलिस अधीक्षक कार्यालयाच्या गेटवरच ताब्यात घेतले. यावेळी आंदोलकर्ते आणि पोलिसांत बाचाबाची झाली. पोलिस अधीक्षक कार्यालय परिसरातच ज्ञानेश्वरी मुंडे यांनी माध्यमांसमोरच काही वेळातच वैतागून अचानकपणे विष प्राशन केल्याने परिसरात खळबळ उडाली. यावेळी ज्ञानेश्वरी मुंडे यांना बीड येथील शासकीय रुग्णालयात उपचार घेण्यासाठी भरती केले असून त्यांच्यावर उपचार सुरू करण्यात आले आहेत.

यावेळी पोलिस बंदोबस्त चोख लावण्यात आला असून परिसरात तणावाचे वातावरण पाहवयास मिळत आहे. पोलीस अधीक्षकांच्या कार्यालयाबाहेरच मीडियाशी संवाद साधला आणि यानंतर परत त्यांच्या गाडीत बसल्यानंतर पॉइजन घेतल्याची माहिती मिळाली आहे. बेशुद्ध अवस्थेत बीडच्या जिल्हा रुग्णालयात सध्या उपचारासाठी दाखल करण्यात आले असून या घटनेने मोठी खळबळ उडाल्याचे बघायला मिळतंय. काही दिवसांपूर्वीच ज्ञानेश्वरी मुंडे यांनी एसपींची भेट घेतली होती. अधिकच्या उपचारासाठी अतिदक्षता विभागात ज्ञानेश्वरी मुंडेंना हलवण्यात आल्याची माहिती मिळतंय.