खोपोलीच्या बोरघाटातून पुण्याकडे चाललेल्या ट्रकच्या चालकाने एचओसी ब्रीजजवळ अचानक ब्रेक मारल्याने ट्रकमधील लोखंडी पाईप बाहेर आले आणि ते मागून चाललेल्या कार आणि दुचाकीवर धडकले. या अपघातात कारमधील एक आणि दुचाकीवरील एक महिला ठार झाली. तर चौघे जखमी झाले आहेत. तसेच या अपघातात कार चालक आणि कार मधील मागे बसलेली महिला व एक लहान मुलगा जखमी आहे . त्यांना तात्काळ उपचारासाठी खोपोली शहरातील हॉस्पिटलमध्ये दाखल करण्यात आले असून त्यांच्यावर उपचार सुरू आहेत. खोपोली पोलीस स्टेशनच्या हद्दीत हा अपघात घडला आहे.

हेल्प फाउंडेशन सह सर्व यंत्रणांनी मदत केली आणि या मार्गावरील खोळंबलेली वाहतूक सुरळीत केली. अपघातात महिलांचा जागीच मृत्यू झाल्यानं हळहळ व्यक्त केली जात आहे. तर चार जण गंभीर जखमी झाले आहेत. ऋतुजा चव्हाण (वय २६वर्षे), अंकिता शिंदे (वय २८वर्षे) ह्या दोघांचा मृत्यू झाला. असून वैभव गलांडे(वय २९वर्षे), सोनाली खंडात्रे (वय ३३वर्षे), शिवराज खडत (वय ०६वर्षे), ललिता शिंदे (वय ५०वर्षे), ललित शिंदे (वय ३०वर्षे), हे जखमी झाले आहेत.

महामार्ग वाहतूक पोलीस यंत्रणा बोरघाट, आय आर बी पेट्रोलिंग, डेल्टा फोर्स, म सु बचे जवान, हेल्प फाउंडेशनचे मेंबर, मृत्युंजय देवदूत, घाटातील मेकॅनिक यांनी तात्काळ मदत कार्य केल्याने मोठी हानी टळली. खोपोली पोलीस स्टेशन मध्ये या अपघाताची नोंद झालेली असून पोलीस निरीक्षक सचिन हिरे यांच्या मार्गदर्शनाखाली पुढील तपास सुरू असल्याची माहिती पोलिसांनी दिली.