बीड जिल्ह्यातील माजलगावमध्ये उपसरपंचाला सिनेस्टाईल मारहाणीचा प्रकार निपाणी टाकळी येथील उपसरपंच लक्ष्मण चव्हाण यांना सरपंच पतीने पाठलाग करत…व्हिडिओ शूट करत मारहाण केल्याचा आरोप आहे. दोन दिवसांपूर्वी बीड जिल्हा…रुग्णालयासमोर झालेल्या मारहाणीचा व्हिडिओ सोशल मीडियावर व्हायरल झाला होता. त्या घटनेत लक्ष्मण चव्हाण देखील सहभागी असल्याचा सरपंच पतीचा आरोप आहे. या पूर्वीच्या वादातूनच ही मारहाण झाली असल्याचा संशय आहे.मारहाणीनंतर लक्ष्मण चव्हाण यांना जिल्हा रुग्णालयात दाखल करण्यात आले आहे. माध्यमांशी बोलताना त्यांनी सरपंच पतीनेच हल्ला केल्याचे म्हटले आहे. मात्र अद्याप पोलिसांत कोणतीही अधिकृत तक्रार दाखल झालेली नाही. पोलिसांनी तपास सुरू असून, लवकरच योग्य ती कारवाई केली जाईल, असे सांगितले.