Buldhana Groom Death: डॉ. अमोल अमरावती जिल्ह्यातील भुईखेड येथील प्राथमिक आरोग्य केंद्रात वैद्यकीय अधिकारी म्हणून कर्तव्यावर होता. त्याचे लग्न जुळले होते. घरात आनंदी वातावरण होते. लग्नाची तारीख जवळ येत असल्याने तयारीची धावपळ सुरू होती.
काय घडलं?
अमोल शिवानंद मुंढे (वय २७) असे मृत तरुणाचे नाव आहे. बुलढाणा जिल्ह्यातील देऊळगाव राजा तालुक्यातील धोत्रा नंदई येथील रहिवासी असलेला डॉ. अमोल अमरावती जिल्ह्यातील भुईखेड येथील प्राथमिक आरोग्य केंद्रात वैद्यकीय अधिकारी म्हणून कर्तव्यावर होता. त्याचे लग्न जुळले होते. घरात आनंदी वातावरण होते. लग्नाची तारीख जवळ येत असल्याने तयारीची धावपळ सुरू होती. दरम्यान, २३ जून रोजी बाजूच्या तळेगाव आरोग्य केंद्रात गंभीर रुग्णावर अतितातडीचे उपचार करण्यासाठी डॉ. अमोल दुचाकीने निघाला. मात्र, अज्ञात वाहनाने धडक दिल्याने अमोल गंभीर जखमी झाला. वेळीच मदत न मिळाल्याने प्रचंड रक्तस्त्राव झाला. नागपूर येथे त्याच्यावर उपचार सुरू होते. शर्थीचे प्रयत्न करूनही डॉक्टरांना त्याला वाचविण्यात अपयश आले. ११ जुलै रोजी अमोलचा मृत्यू झाला.
Sanjay Shirsat: संजय राऊतांना देणार अब्रुनुकसानीची नोटीस; संजय शिरसाट यांचा इशारा, व्हिडीओ मॉर्फ केल्याचा दावा
आज होणार होता विवाह…
अमोल यांचा विवाह सोहळा यवतमाळ जिल्ह्यातील नेर येथे १३ जुलै रोजी ठरला होता. कुटुंबीयांनी लग्नाची तयारी चालविली होती. लग्न वीस दिवसांवर असताना अमोलचा अचानक अपघात झाला. उपचारादरम्यान शुक्रवारी मृत्यू झाला. या घटनेमुळे अमोलच्या कुटुंबीयांवर मोठा आघात झाला आहे. या घटनेमुळे गावात शोककळा पसरली आहे. मनाला चटका लावणारी ही घटना घडल्याने हळहळ व्यक्त होत आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा