डेक्कन परिसरातील गुडलक कॅफेमध्ये एक दाम्पत्य नाश्त्यासाठी गेले असता, त्यांनी घेतलेल्या बन मस्क्यात काचेचे तुकडे आढळले. या दाम्पत्याने या प्रकाराचा व्हिडिओ समाजमाध्यमांवर प्रसारित केला. अन्न व औषध प्रशासन विभागाकडे (एफडीए) याबाबत तक्रार दाखल केली. मात्र, अद्याप पोलिस तक्रार दाखल झालेली नाही, असे डेक्कन पोलिसांनी स्पष्ट केले.
‘कितीही मोठ्या बापाचा असूदे, टायरमध्ये घेऊन झोडायला सांगणार’; अजित दादांनी कुणाला भरला दम?
कॅम्प परिसरातील भिवंडी दरबार हॉटेल येथील घटनेसंदर्भात ३१ वर्षीय महिलेने तक्रार दिली. कुटुंबासह जेवायला गेलेल्या तक्रारदार यांना देण्यात आलेल्या सूपमध्ये झुरळ आढळले. त्यांनी त्वरित हॉटेल व्यवस्थापक व कर्मचाऱ्यांकडे याबाबत तक्रार केली. मात्र, व्यवस्थापनाने याकडे दुर्लक्ष केल्याने लष्कर पोलिस ठाण्यात हॉटेल मालक व व्यवस्थापकाविरुद्ध गुन्हा दाखल करण्यात आला.

पुण्यातील प्रसिद्ध गुडलक कॅफे मधल्या बन मस्का मध्ये अढळून आले काचेचे तुकडे FDA ला ऑनलाइन तक्रार आकाश जलगी यांनी नोंदवली असून कॅफे मालकाने सांगितले आहे की ते बन आउट सोर्स करतात आणि संबंधित व्यक्तीच्या कानावर ही गोष्ट घालण्यात आली आहे#Punenews #Pune #Viralvideo #म pic.twitter.com/NfzGmbdHRB

— Harish Malusare (@harish_malusare) July 11, 2025

Baramati Politics : पवारांच्या बालेकिल्ल्यात भाजपची कडक फिल्डिंग; सुप्रिया सुळेंसोबत अजितदादांनाही खिंडीत गाठलं
बन मस्क्यात काचेचे आढळल्यामुळे ‘गुडलक कॅफे’चा परवाना तात्पुरत्या स्वरूपात निलंबित केला आहे. कॅम्प येथे महात्मा गांधी रस्त्यावरील हॉटेलचीही तपासणी करण्यात आली आहे. दोन्ही ठिकाणचे नमुने घेण्यात आले आहेत. त्यानुसार पुढील कारवाई करण्यात येईल, असं सह आयुक्त, अन्न व औषध प्रशासन सुरेश अन्नपुरे यांनी म्हटलं आहे.

नेमकं काय आहे प्रकरण?

आकाश जलगी हे आपल्या पत्नीसह कॅफे गुडलकमध्ये गेले होते. त्यांनी चहा बन मस्काची ऑर्डर दिली होती. ऑर्डर आल्यावर ते चहा घेत असताना त्यांच्या लक्षात आलं की बन मस्का ज्या डिशमध्ये दिला होता त्यामध्ये काचांचे तुकडे त्यांना दिसले. सुरूवातील बर्फ वाटला होता पण त्यांनी पाहिल्यावर त्यांच्या लक्षात आलं की बर्फाचे तुकडे नसून काचेचेच आहेत. यानंतर त्यांनी व्हिडीओ तयार केला. कर्मचाऱ्यांना जाब विचारला होता, त्यावेळी त्यांच्याकडी काही उत्तर नव्हतं.