या प्रकरणात मारहाण करणाऱ्या अल्पवयीन विद्यार्थ्याविरुद्ध जिल्हापेठ पोलीस ठाण्यात सदोष मनुष्यवधाचा गुन्हा दाखल करण्यात आला आहे. मारहाण करणाऱ्या अल्पवयीन विद्यार्थ्याला पोलिसांनी ताब्यात घेतला असून त्याची बालसुधारगृहात रवानगी केली जाणार असल्याची माहिती पोलिसांनी दिली आहे. शाळेत खेळत असताना कल्पेशाचा त्याच्याच वर्गातल्या विद्यार्थ्यासोबत वाद झाला, या वादातून झालेल्या मारहाणीत कल्पेश याचा मृत्यू झाला झाल्याचे पोलिसांच्या तपासात समोर आले आहे.
Jalgaon News: खेळता-खेळता बेशुद्ध होऊन जमिनीवर कोसळला, नववीच्या विद्यार्थ्याचा मृत्यू, जळगावात हळहळया प्रकरणात गुन्हा दाखल झाल्यानंतर तब्बल 22 तासानंतर आज मयत विद्यार्थ्याचं शवविच्छेदन करून त्याच्या कुटुंबीयांनी मृतदेह ताब्यात घेतला आहे. शिक्षक तसेच शाळा व्यवस्थापनाविरुद्ध देखील कारवाई करून त्यांना अटक करण्याची मागणी मयत कल्पेश याच्या पालकांनी केली आहे. शाळा व्यवस्थापनाची देखील चौकशी केली जाणार असून चौकशीत दोषी आढळल्यास त्यांच्यावर कारवाई केली जाणार असल्याचे पोलीस उपअधीक्षक संदीप गावित यांनी सांगितले.

कल्पेश जळगावात आई-वडील, लहान भाऊ आणि बहिणीसोबत राहत होता. नेहमीप्रमाणे कल्पेश हा शाळेत गेला होता. जेवणाच्या सुट्टीदरम्यान तो बेशुद्ध होऊन जमिनीवर कोसळल्याचे त्याच्या पालकांना सांगण्यात आले. शिक्षकांनीच याबद्दल सांगितले. मात्र, पालकांनी कल्पेशला बघितले आणि त्यांना संशय आला. मृत्यूमागे शाळेतील काही विद्यार्थ्यांशी झालेला वाद कारणीभूत असू शकतो असे सांगत सीसीटीव्ही चेक केल्याशिवाय आम्ही मृतदेह ताब्यात घेणार नसल्याची भूमिका पालकांनी घेतली आणि त्यानंतर सर्व प्रकार उघड झाला.