माहितीनुसार, मुखडे तालूक्यातील मेथी या गावातील २२ वर्षीय अश्विनी नालापले या महिलेला सकाळी प्रसुतीवेदना सूरू झाल्या. नातेवाईकांनी १०८ क्रमांकवर फोन केला, पण रुग्णवाहिका उपलब्ध झाली नाही . महिलेच्या वेदना वाढत असल्याने नातेवाईकांनी नऊ महिन्याच्या गर्भवती महिलेला घेऊन ऑटोतून प्रवास सूरू केला. मात्र रस्त्यात प्रसूती कळा वाढल्या. त्यामूळे नात्यातील महिलांनी होनवडज फाट्याजवळ ऑटो थांबवला. रस्त्यालगच्या शेतात साडीचा आडोसा देउन गर्भवती महिलेची प्रसुती करण्यात आली. महिलेने मुलाला जन्म दिला. मात्र या ठिकाणी आई आणि बाळाची नाळ तोडण्याची व्यवस्था नव्हती.
लिंबू, बाहुली, कागद शेजाऱ्यांच्या घरासमोर ठेवले अन्..; नागपुरात अघोरी प्रकारानं खळबळ
स्थानिकांनी नंतर रुग्णवाहिका मागवून तातडीने आई आणि बाळाला मुखेड येथील उपजिल्हा रुग्णालयात दाखल केले. बाळ आणि बाळंतीण दोघेही सुखरूप असल्याची माहिती डॉक्टरांनी दिली आहे. दरम्यान या घटनेनंतर ग्रामीण भागातील आरोग्यवस्थेचा प्रश्न ऐरणीवर आला आहे. मेथी या गावापासून येवती आणि होनवडज ही आरोग्य उपकेंद जवळ आहेत, मात्र या केंद्रात सुविधा उपलब्ध नाहीत. त्यामुळे आरोग्य सेवेसाठी या भागातील नागरिकांना तालुक्याच्या ठिकाणी जावे लागत असल्याचे भीषण चित्र आहे.