मंगळवारी रात्री कॅन्टिनमध्ये निकृष्ट जेवण मिळाल्याने शिंदेसेनेचे आमदार संजय गायकवाडांनी कर्मचाऱ्याला मारहाण केली. संजय गायकवाड यांचा मारहाण करतानाचा व्हिडीओ सोशल मीडियावर व्हायरल झाला. यानंतर कॅन्टिनच्या जेवणाच्या गुणवत्तेवर प्रश्न तर उपस्थित झालाच पण गायकवाडांवर देखील टीकेची झोड उठली. त्यानंतर अन्न आणि औषध प्रशासनाचे पथक दाखल कॅन्टिनमध्ये दाखल झाले. अधिकाऱ्यांकडून आमदार निवासाच्या कॅन्टिनमधील स्टोअर रूमची तपासणी करण्यात आली.
Sanjay Gaikwad : ‘मला कसलाही पश्चाताप नाही, आमदार असलो तरी एक…’; कँटिन कर्मचाऱ्याला मारहाणीवर संजय गायकवाडांची प्रतिक्रिया
तपासणीदरम्यान खाद्यपदार्थ आणि तेलाच्या बाटल्यांचे सॅम्पल नमूने घेतले. हे सगळे नमून सील करण्यात आले. तपासणीसाठी पुढे फॉरेन्सिक लॅबला पाठवण्यात आले. यातच स्टोअर रूमचं ऑडिटही झाल. या तपासणीचा अहवाल लवकरच सादर करण्यात येईल.

नेमकं प्रकरण काय?

विधीमंडळाचं अधिवेशन सुरु असल्याने आमदार संजय गायकवाड हे आमदार निवासमध्ये वास्तव्यास आहेत. रात्रीचे जेवण कॅन्टीनला करत होते. मात्र त्यावेळी त्यांना देण्यात आलेली डाळ ही निकृष्ट दर्जाची होती. डाळीचा वास येत असल्याने ते संतापले आणि कॅन्टिन चालकाला धारेवर धरले, तसेच मारहाणही केली. या सर्व प्रकाराचा व्हिडिओ व्हायरल झाला. सुरूवातीला गायकवाड काऊन्टरजवळ गेले आणि कॅन्टीन व्यवस्थापकाला त्यांनी बोलावलं. त्यावेळी त्याला गायकवाडांनी खराब डाळीचा वास घ्यायला लावला. तेव्हा त्यानेही डाळ खराब असल्याचं मान्य केलं, असं व्हिडीओमध्ये दिसून येते.

संजय गायकवाडांचा पारा चांगलाच चढला होता. गायकवाडांनी कॅन्टीन व्यवस्थापकाला मारण्यास सुरुवात केली. आजू-बाजूच्यांनी त्यांना थांबवण्याचा प्रयत्न केला. पण ते काही थांबले नाहीत. त्यासोबतच फूड डिपार्टमेंटकडे ती डाळ पाठवायला सांगितली. हा मुद्दा विधिमंडळातही गाजला. त्यानंतर अन्न व औषध प्रशासनाच्या अधिकाऱ्यांनी तपासणी करत कॅन्टीन चालकावर कारवाई केली आहे.