विक्रम शिंदे पत्नी आणि मुलाला वाचवण्यासाठी धावले. त्यांनी पत्नी आणि मुलाला बाजूलाही केले, मात्र त्यांना स्वतःला विजेचा जोरदार धक्का बसला आणि ते गंभीर जखमी झाले. विक्रम शिंदेंना तातडीने उपचारासाठी रुग्णालयात नेण्यात आले, परंतु डॉक्टरांनी त्यांना मृत घोषित केले. ही घटना सोलापूर जिल्ह्यातील बार्शी तालुक्यातील बाभूळगाव येथे घडली आहे.

शेत मजुराचा दुर्दैवी शेवट

इलेक्ट्रिक शॉक लागून एका शेतमजुराचा मृत्यू झाल्याचा दुर्दैवी प्रकार समोर आला आहे. ही घटना बार्शी तालुक्यातील बाभुळगाव येथे मंगळवार 8 जुलै रोजी सकाळी साडेसहा वाजताच्या सुमारास घडली. विक्रम रघुनाथ शिंदे, वय 48 वर्ष, रा. बाभूळगाव, ता. बार्शी, असे मरण पावलेल्या शेतमजुराचे नाव आहे.
Pune Crime : आई आजारी, जामीन द्या; ‘पोर्शे’ केसमधील बिल्डर अगरवालची मागणी; रक्त बदलाबाबतही धक्कादायक माहिती समोर

कसा झाला हा अपघात?

बार्शी ग्रामीण पोलिसांकडून मिळालेल्या माहितीनुसार, मंगळवारी सकाळी साडेसहा वाजता विक्रम शिंदे यांची पत्नी सविता शिंदे या लाईटचा मीटर असलेल्या घरात कपडे सुकवण्यासाठी टाकत होत्या. यावेळी त्यांना शॉक बसला.

आईला वाचवण्यासाठी त्यांचा मुलगा सुहास आणि पती विक्रम धावून आले. आईला सोडवताना मुलगाही विजेचा धक्का बसून जखमी झाला, परंतु विक्रम शिंदे हे गंभीर जखमी झाले. गंभीर अवस्थेतच त्यांना तातडीने उपचारासाठी दाखल करण्यात आले. मात्र, डॉक्टरांनी त्यांना तपासून मृत घोषित केले.
Mumbai Crime : समलिंगी व्हिडिओवरुन ब्लॅकमेल, मुंबईत 32 वर्षीय सीएने आयुष्य संपवलं, शेवटच्या चिठ्ठीत म्हणतो, आई पुढच्या जन्मी…
याबाबत बार्शी तालुका पोलिसांत अकस्मात मृत्यूची नोंद करण्यात आली आहे. याबाबत पुढील तपास बार्शी ग्रामीण पोलीस दलातील पोलिस हेड कॉन्स्टेबल अरुण डुकळे करत आहेत.