निशिकांत दुबे हे आपल्या वादग्रस्त वक्तव्यासाठी नेहमीच चर्चेत असतात यांना आता ठाकरे बंधू आणि महाराष्ट्र व मराठी याविषयी अत्यंत खालच्या थरात टीका केली आहे. निशिकांत दुबे यांनी एक्स प्लॅटफॉर्मवर मराठी मध्ये एक पोस्ट केली आहे. यामध्ये “हिंदी भाषिकांना मुंबईत मारणाऱ्यांनो, जर हिंमत असेल तर महाराष्ट्रा मधील उर्दू भाषिकांना मारून दाखवा असं म्हटलं आहे. तसेच आपल्या घरात तर कुत्रा देखील वाघ असतो. कोण कुत्रा आणि कोण वाघ, स्वतःच ठरवा.” अशा आशयाच्या पोस्ट केली आहे. तर त्यांनी माध्यमाशी संवाद साधताना दुबेंनी ‘राज ठाकरे आणि उद्धव ठाकरे हे मतांसाठी राजकारण करत आहेत. तुम्ही काय म्हणत आहेत, मराठी बोलले पाहिजे? तुम्ही आमच्या पैशांवर खात आहात.’ अशी आक्षेपार्ह टिप्पणी सुद्धा केली आहे. त्यामुळे वातावरण तापले आहे. याबाबत शिवसेना उद्धव बाळासाहेब ठाकरे पक्षाचे नेते वसंत मोरे देखील आक्रमक झाले आहेत.
‘मराठी लोकांकडे काय आहे? आमच्याच पैशांवर जगताय’; भाजप खासदार निशिकांत दुबेंचे वादग्रस्त विधान, वाद पेटणार
खासदार दुबे यांनी अशा प्रकारचे पोस्ट करून वाय झेड करणे बंद करावं. आपटायच्या गोष्टी दुबे यांनी शिवसैनिकांना आणि मनसैनिकांना शिकवू नये. आम्ही आपटाआपटी नाही तर थेट फोडाफोडी करतो. आम्ही बांबू घेऊन नेहमीच तयारीमध्ये असतो त्यामुळे आपटा आपटीच्या गोष्टी तरी दुबे यांनी आमच्या पुढे करूचं नये असं वसंत मोरे म्हणाले आहेत.

तर, दुबे यांना आपटायचं असेल तर त्यांनी पुण्यात किंवा मुंबईमध्ये यावं मग कोण कोणाला आपटत आणि फोडतं हे पाहू. निशिकांत दुबे हे त्यांच्या मतदारसंघांमध्ये बसून कुत्ता भी अपने गली मे शेर आहे असं बोलत आहेत. मात्र त्यांनी जे ट्विट केले आहे ते इथे येऊन केलं असतं तर त्यांना कळालं असतं की, शेर कोण आहे. आपटा आपटी आणि फोडाफोडीचा सातबारा हा आमच्याकडे आहे. याबाबतचे अनेक गुन्हे आमच्यावर दाखल आहेत. त्यामुळे भाजपने अशा वाचाळवीरांना लवकरच आवर घालावा अन्यथा अनेक वेळा मी बांबूचा आणि काही वेळा हातोड्याचे देखील वापर केला आहे, असा इशारा वसंत मोरे यांनी दिला.