Rojgar Hami Yojana Scam: अनेक हजेरी रजिस्टरमध्ये (मस्टर) नावे महिलांची अन फोटो पुरुषांचे असा प्रकारही दिसला आहे. यावरून या कामांमध्ये अनियमितता झाल्याचा संशय आहे.
अनेक हजेरी रजिस्टरमध्ये (मस्टर) नावे महिलांची अन फोटो पुरुषांचे असा प्रकारही दिसला आहे. यावरून या कामांमध्ये अनियमितता झाल्याचा संशय आहे. पंचायत समिती मार्फत राबवल्या जाणाऱ्या रोजगार हमी योजनेंतर्गत पाणंद रस्त्याच्या कामावर हे प्रकार झाल्याचे सूत्रांनी सांगितले. अनेक कामांवर महिला मजूर दाखवण्यात आले; प्रत्यक्षात मात्र फोटो पुरुषांचे लावण्यात आले. विशेष म्हणजे, या कामांची बिले उचलल्याचेही समोर आले आहे.
अमरावतीत पाच शिक्षक निलंबित; ZP मुख्य कार्यकारी अधिकाऱ्यांची मोठी कारवाई, काय कारण?
तालुक्यात मातोश्री पाणंद रस्त्याची ११९ कामे सुरू आहेत. यात सर्वाधिक कामे धामणगाव येथे २३, पेंडगाव ७, खामगाव ७ व इतर गावांत दोन चार आदी कामांचा समावेश आहे. नियमानुसार या कामावर असलेल्या मजुरांची छायाचित्रे काढून दररोज ऑनलाइन अपलोड करणे आवश्यक आहे. मात्र, काम पूर्ण होईपर्यंत फक्त एका ग्रुपफोटोचा वापर करून बिले काढण्यात आल्याचे समोर आले आहे. प्रत्यक्षात मजुरांची नावे मात्र वेगळी आहेत व फोटो वेगळा आहे, असे पंचायत समितीतील सूत्रांनी सांगितले. हा प्रकार नेमका कुणी व कुणाच्या साह्याने केला याबाबत चर्चा सुरू झाली आहे. 
रिक्षाच्या धडकेत 2 वर्षीय चिमुकल्याचा मृत्यू; आईसमोर तडफडत सोडला जीव, नाशिक हळहळलं
तालुक्यातील एका गावात चक्क विविध कार्यकारी सेवा सहकारी संस्थेचे चेअरमन मजूर म्हणून दाखवण्यात आले. एका ठिकाणी गावच्या पोलिस पाटलाची पत्नीदेखील मजूर म्हणून दाखवल्याचा प्रकार दिसला आहे. धामणगाव येथे २४ मस्टरसाठी फक्त दोन वेगवेगळे फोटो लावले आहेत. महालकिन्होळा येथे सहा मस्टरसाठी, खामगाव येथे नऊ मस्टरसाठी, वानेगाव सहा मस्टर, सताळपिंप्री येथे नऊ मस्टरसाठी एकच फोटो वापरण्यात आल्याचे समोर आले आहे. याबाबत जिल्हा परिषद रोहयो विभागाच्या उपमुख्यकार्यकारी अधिकारी अनुपमा नंदनवनकर यांच्याशी संपर्क साधला असता, संपर्क होऊ शकला नाही.
Mumbai Crime: काकाने १६ वर्षीय पुतण्याला निर्घृणपणे संपवलं, कोल्ड्रिंकमधून दिलं विष, कारण ऐकून हादराल!
कामावर महिला; फोटो पुरुषांचे
रस्ते कामाच्या मस्टरमध्ये फोटो वापरून जी बिले उचलण्यात आली, त्या कामावर महिला मजूर होत्या; मात्र पुरुषांचे फोटो वापरण्यात आले. पुरुष मजुराच्या जागेवर महिलांचा ग्रुप फोटो अपलोड करण्यात आल्याचे समोर आले आहे. पंचायत समिती अधिकाऱ्यांनी याकडे वेळीच लक्ष का दिले नाही, असा सवाल आता उपस्थित होत आहे. कामे सुरू असताना अधिकाऱ्यांनी भेटी देणे अपेक्षित आहे. त्यांनी भेटी दिल्या की नाही याबाबतही शंका उपस्थित होत आहे
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा