आषाढी एकादशीच्या पवित्र निमित्ताने इंडियन कल्चरल सेंटर (ICCR), क्वालालंपूर येथे मुलांची पालखी वारी उत्साहात आणि भक्तिभावाने पार पडली. पारंपरिक वेशात सजलेल्या लहान वारकऱ्यांनी “विठोबा-रखुमाई”च्या भक्तीत रंगून सुंदर सादरीकरण केले. महाराष्ट्र मंडळ मलेशिया यांच्या पुढाकाराने आणि ICCR च्या सहकार्याने आयोजित झालेल्या या वारीत टाळ-मृदंगाच्या गजरात आणि “ग्यानबा-तुकाराम”, “विठ्ठल-विठ्ठल” अशा घोषणांनी ICCR चे प्रांगण भक्तिरसात न्हालं.