विठुरायाच्या महापुजेचा मानकरी कसा ठरतो?

मुख्यमंत्र्यांसह शासकीय महापूजेचा मान मिळणं याला नशिबच लागतं. 15 ते 18 तास रांगेत उभं राहून पहाटेच्या सुमारास श्री विठ्ठल रुक्मिणी मंदिराच्या गाभाऱ्यात पहिल्या येणाऱ्या दाम्पत्यास महापूजेचा मान मिळतो. रविवारी पहाटे २ वाजून २० मिनिटांनी शासकीय महापूजेला सुरुवात झाली. मुख्यमंत्री फडणवीस दाम्पत्य आणि मानाचे वारकरी उगले दाम्पत्यांच्या हस्ते विठ्ठलाची विधिवत पूजा पहाटे ३ वाजून ५ मिनिटांनी संपन्न झाली. त्यानंतर रुक्मिणी मातेची महापूजा झाली.
Ashadhi Ekadashi 2025 : विठुनामाच्या गजरात दुमदुमले पंढरपुर! मुख्यमंत्र्यांच्या हस्ते विठ्ठल रुक्मिणीची महापूजा संपन्न

शासकीय महापूजा केलेल्या दाम्पत्यास वर्षभर एसटी सवलत

नाशिक जिल्ह्यातील नांदगाव तालुक्यामधील जातेगावच्या कैलास दामू उगले (वय ५२) आणि कल्पना कैलास उगले (वय ४८) दाम्पत्यास महापूजेचा मान मिळाला आहे. पाच ते सात किलोमीटर अंतर रांगेत थांबून उगले दाम्पत्याने पहाटेच्या सुमारास मंदिरात प्रवेश मिळाला. पाच ते सात किलोमीटर रांगेत म्हणजेच 15 ते 18 तास थांबून हा मान मिळाला. नाशिक जिल्ह्यातील उगले दाम्पत्यास शासकीय महापूजेचा मान मिळाल्यानंतर वर्षभर एसटी पासमध्ये सवलत देण्यात आली आहे.

उगले दाम्पत्याची 12 वर्षांपासून वारी

कैलास उगले यांचे वडील माजी सैनिक असून ते शेती करतात. मागील 12 वर्षांपासून उगले दाम्पत्य वारी करतात. यंदा त्यांना महापूजेचा मान मिळाला आहे. मागील वर्षी विठ्ठल-रुक्मिणीच्या शासकीय महापूजेचा मानाचा बाळू अहिरे व आशाबाई अहिरे (रा. अंबासन, ता. सटाणा, जिल्हा नाशिक) यांना मिळाला होता. यामुळे नाशिक जिल्ह्याला सलग दुसऱ्या वर्षी हा मान मिळाला आहे. २०२३ मध्ये कार्तिकी एकादशीला महापूजेचा मानही नाशिक जिल्ह्यातील दिंडोरी तालुक्यातील घुगे दाम्पत्याला मिळाला होता.