हिंदी सक्ती वादावरून ठाकरे बंधूंचा विजयी मेळावा शनिवारी (५ जुलै) पार पडला. या मेळाव्यातून मनसे अध्यक्ष राज ठाकरे व शिवसेना ठाकरे गटाचे पक्षप्रमुख उद्धव ठाकरे यांनी मुख्यमंत्री देवेंद्र फडणवीसांवर निशाणा साधला. जे कुणालाही जमलं नाही फडणवीसांना जमलं, असं म्हणत राज ठाकरेंनी फडणवीसांवर तोंडसुख घेतलं. तर उद्धव ठाकरेंनी सुद्धा अनाजीपंत म्हणत फडणवीसांवर टीकास्त्र डागलं. यावरून आता भाजपच्या खासदार मेधा कुलकर्णी यांनी ठाकरे बंधूंना प्रत्युत्तर दिलंय. लोकांच्या भावना भडकवण्याशिवाय त्यांना काही जमलं नाही अशी टीका मेधा कुलकर्णींनी केलीय.