मुख्यमंत्री देवेंद्र फडणवीस यांच्या मुख्यंमंत्रीपदाच्या दुसऱ्या कार्यकाळात पहिल्यांदाच त्यांच्या हस्ते शासकीय पूजा पार पडली आहे. त्यांच्यासोबत मुलगी दिविजाही उपस्थित होती. ‘आपल्या महाराष्ट्राचे आणि बळीराजाचे भले व्हावे’ हे विठ्ठलाच्या चरणी साकडं मुख्यमंत्र्यांनी घातलं आहे. मुख्यमंत्र्यांसोबत पूजेचा मान मिळालेले उगले दाम्पत्य हे गेली 12 वर्षे वारी करत आहेत. नाशिक जिल्हातील नांदगाव येथील ते रहिवासी आहेत. कैलास उगले (52) हे शेतकरी असून त्यांचे वडील सेवानिवृत्त सैनिक आहेत.

आषाढी एकादशीला पूजेचा मान हा मुख्यमंत्र्यांना दिला जातो. त्यांच्यासोबतच एक वारकरी दांम्पत्यही महापूजेचा मान देण्यात येतो.मुख्यमंत्री देवेंद्र फडणवीस यांच्या इच्छेनुसार पांडुरंगाचा पोशाख तयार करण्यात आला. आषाढ शुद्ध एकादशीसाठी पोहचलेल्या संत ज्ञानेश्वरांच्या पालखी सोहळ्याला शनिवारी मुख्यमंत्री फडणवीस यांनी भेट दिली होती. मुख्यमंत्र्यांसोबत सोलापूरचे पालकमंत्री जयकुमार गोरे हेही दिंडी सोहळ्यात सहभागी झाले होते. राज्यातील अनेक नेतेमंडळी हे पंढरपुरात दाखल झाले आहेत. राधाकृष्ण विखे पाटील, पंकज भोयर आदी नेत्यांचा यात समावेश आहे.

20 लाख भाविक पंढरपुरात दाखल
संतांच्या पालख्या शनिवारीच सायंकाळी पंढरपुरात दाखल झाल्या आहेत. आषाढी एकादशीसाठी एसटी, रेल्वे, खाजगी वाहनांतून लाखोंच्या सख्येंने भाविक पंढरी नगरीत दाखल झाले आहेत. यावर्षीच्या आषाढी एकादशीसाठी 20 लाख भाविक पंढपुरात दाखल झाल्याचा अंदाज प्रशासनाकडून वर्तवला आहे. पोलिस प्रशासनाचा चोख बंदोबस्त पंढरपुरात आहेच त्यासोबतच अनेक स्वयंसेवी संस्थेचे कार्यकर्तेही तैनात आहे.